ಸಾಯಿ ಗೋಲ್ಡ್‌ ಪ್ಯಾಲೇಸ್‌ನಲ್ಲಿ ಆ್ಯಂಟಿಕ್‌ ಜ್ಯುವೆಲ್ಲರಿ ಮೇಳ

ಬೆಂಗಳೂರು: ಚಿನ್ನಾಭರಣ ಮಾರಾಟ ಕ್ಷೇತ್ರದ ಶ್ರೀ ಸಾಯಿಗೋಲ್ಡ್‌ ಪ್ಯಾಲೇಸ್‌ ಡಿವಿಜಿ ರಸ್ತೆ (ಬಸವನಗುಡಿ) ಮತ್ತು ಹೆಚ್‌ಎಸ್‌ಆರ್‌ ಲೇಔಟ್‌ನ ಮಳಿಗೆಗಳಲ್ಲಿ ‘ಆ್ಯಂಟಿಕ್‌ ಜ್ಯುವೆಲ್ಲರಿ ಮೇಳ’ವನ್ನು ಹಮ್ಮಿಕೊಂಡಿದೆ.

ಸಂಸ್ಥೆಯ ಮಾಲೀಕ ಟಿ.ಎ. ಶರವಣ ಅವರು ಜ್ಯುವೆಲ್ಲರಿ ಮೇಳದ ಬಗ್ಗೆ ಮಾತನಾಡಿ, ನಮ್ಮ ಎರಡೂ ಶೋರೂಮ್‌ಗಳಲ್ಲಿ ಆ್ಯಂಟಿಕ್‌ ಒಡವೆಗಳ ದೊಡ್ಡ ಸಂಗ್ರಹವೇ ಇದೆ. ಪರಿಶುದ್ಧ ಚಿನ್ನಾಭರಣಗಳಿಗೆ ಪ್ರಸಿದ್ಧಿ ಪಡೆದಿರುವ ನಮ್ಮ ಸಂಸ್ಥೆ ಆಧುನಿಕ ಮಹಿಳೆಯರ ಅಭಿಲಾಷೆಯನ್ನು ಪೂರೈಸುವತ್ತ ಹಾಗೂ ವಿಭಿನ್ನ ಶೈಲಿಯ ಆಭರಣಗಳನ್ನು ನೀಡುವತ್ತ ಸದಾ ಗಮನಹರಿಸುತ್ತದೆ.

ಈ ಸಂದರ್ಭದಲ್ಲಿ ಗ್ರಾಹಕರು ಖರೀದಿಸುವ ಆಭರಣಗಳ ಮೇಕಿಂಗ್‌ ಚಾರ್ಜ್‌ ಮೇಲೆ ಶೇ.30 ರವರೆಗೆ ರಿಯಾಯಿತಿ, ವೇಸ್ಟೇಜ್‌ ಚಾರ್ಜಸ್‌ ಮತ್ತು ಸ್ಟೋನ್‌ ಚಾರ್ಜಸ್‌ ಇರುವುದಿಲ್ಲ. ಜತೆಗೆ ವಿಶೇಷ ರಿಯಾಯಿತಿ ಕೊಡುಗೆ ಮಾರಾಟ ಯೋಜನೆಯನ್ನೂ ವಿಸ್ತರಿಸಿದ್ದೇವೆ ಎಂದರು.

ನಮ್ಮ ಮಳಿಗೆಗಳಲ್ಲಿ ಗ್ರಾಹಕರ ಮನಕ್ಕೊಪ್ಪುವ ವೈವಿಧ್ಯಮಯ ವಜ್ರ, ಮಾಣಿಕ್ಯ, ಪಚ್ಚೆ ಮುಂತಾದ ಬೆಲೆಬಾಳುವ ಹರಳುಗಳ ಆಭರಣಗಳು, ಪಾರಂಪರಿಕ ಹಾಗೂ ಸಾಂಪ್ರದಾಯಿಕ ಒಡವೆಗಳು, ಚಿನ್ನದ ವಿಗ್ರಹಗಳು, ಲೈಟ್‌ವೆಯಿಟ್‌ ಆಭರಣಗಳು, ಎರಡೂ ಬದಿ ಬಳಸಬಹುದಾದ ನೆಕ್‌ಲೆಸ್‌ಗಳು, ಪ್ಲಾಟಿನಂ ಒಡವೆಗಳು, ಬೆಳ್ಳಿ ಆಭರಣಗಳು, ಚಿನ್ನದ ವಜ್ರದ ಹರಳಿನ ಕೈಗಡಿಯಾರಗಳ ಸಂಗ್ರಹವೇ ಇದೆ ಎಂದು ವಿವರಿಸಿದ್ದಾರೆ.