ಮುಂಬಯಿಗೆ ಇನ್ನೊಂದು ವಿಮಾನ

ಮಂಗಳೂರು: ಮಂಗಳೂರು – ಮುಂಬಯಿ ನಡುವೆ ನೇರ ಸಂಪರ್ಕ ಕಲ್ಪಿಸುವ ಸ್ಪೈಸ್‌ ಜೆಟ್‌ನ ಎರಡನೇ ವಿಮಾನ ಸೇವೆಯು ಫೆ. 10ರಿಂದ ಮಂಗಳೂರು ವಿಮಾನ ನಿಲ್ದಾಣ ದಿಂದ ಆರಂಭವಾಗಲಿದೆ.ಬೆಳಗ್ಗೆ 8.55ಕ್ಕೆ ಮುಂಬಯಿ ಯಿಂದ ಹೊರಡುವ ಈ ವಿಮಾನ 10.35ಕ್ಕೆ ಮಂಗಳೂರಿಗೆ ಬರಲಿದೆ. ಪೂರ್ವಾಹ್ನ 11.05ಕ್ಕೆ ಮಂಗಳೂರಿ ನಿಂದ ಮತ್ತೆ ಹೊರಟು 12.40ಕ್ಕೆ ಮುಂಬಯಿ ತಲುಪಲಿದೆ. ಸ್ಪೈಸ್‌ ಜೆಟ್‌ನ ಇನ್ನೊಂದು ವಿಮಾನ ಈಗಾಗಲೇ ಮಂಗಳೂರು- ಮುಂಬಯಿ ಮಧ್ಯೆ ಸಂಚರಿಸುತ್ತಿದೆ.

ಮಂಗಳೂರಿನಿಂದ ಮುಂಬಯಿಗೆ ಇಂಡಿಗೋದ ಎರಡು ವಿಮಾನಗಳು, ಏರ್‌ ಇಂಡಿಯಾದ ಒಂದು ಹಾಗೂ ಸ್ಪೈಸ್‌ಜೆಟ್‌ನ ಒಂದು ವಿಮಾನ ಸಂಚರಿಸುತ್ತಿದ್ದು, ಬೆಳಗ್ಗಿನ ಸಮಯ ದಲ್ಲಿ ಇನ್ನೊಂದು ವಿಮಾನ ಸೇವೆ ಬೇಕು ಎಂಬ ಬೇಡಿಕೆ ಪ್ರಯಾಣಿಕರಿಂದ ವ್ಯಕ್ತವಾಗಿತ್ತು.