ಶ್ರದ್ಧಾ ಭಕ್ತಿಯ ಪ್ರತಿಷ್ಠಾಪನಾ ವಾರ್ಷಿಕೋತ್ಸವ

ಚಿತ್ರದುರ್ಗ: ಕನ್ನಿಕಾ ಪರಮೇಶ್ವರಿ ಅಮ್ಮನವರ ಪ್ರತಿಷ್ಠಾಪನಾ 41ನೇ ವಾರ್ಷಿಕೋತ್ಸವ ವಾಸವಿ ದೇವಾಲಯದಲ್ಲಿ ಶ್ರದ್ಧಾ ಭಕ್ತಿಯಿಂದ ನಡೆಯಿತು.
ಆರ್ಯವೈಶ್ಯ ಸಂಘದ ಅಧ್ಯಕ್ಷ ಎಸ್‌.ಎನ್‌. ಕಾಶಿ ವಿಶ್ವನಾಥ ಶೆಟ್ಟಿ ಮಾತನಾಡಿ, ಕನ್ನಿಕಾ ಪರಮೇಶ್ವರಿ ಅಮ್ಮನವರ ಕೃಪಾಶೀರ್ವಾದದೊಂದಿಗೆ ಅನೇಕ ಧಾರ್ಮಿಕ ಸಾಮಾಜಿಕ ಕಾರ್ಯಗಳನ್ನು ನಡೆಸಲಾಗುತ್ತಿದೆ ಎಂದು ಹೇಳಿದರು.

ಪ್ರಾಕಾರೋತ್ಸವ, ಉಯ್ನಾಲೋತ್ಸವ ನಡೆದವು. ಪ್ರಾಥಃಕಾಲ ಹೋಮ ಮತ್ತು ಅಭಿಷೇಕಗಳನ್ನು ಜರುಗಿಸಲಾಯಿತು. ಕೆ. ಆನಂದ್‌ ಸ್ವಾಗತಿಸಿದರು. ಎಲ್‌.ಆರ್‌. ವೆಂಕಟೇಶಕುಮಾರ್‌ ನಿರೂಪಿಸಿದರು. ಆರ್ಯವೈಶ್ಯ ಸಂಘ ಹಾಗೂ ವಾಸವಿ ಸಹಸಂಸ್ಥೆಗಳ ಪದಾಧಿಕಾರಿಗಳು ಇದ್ದರು.