ಸೆಮಿಫೈನಲ್ ಪ್ರವೇಶಿಸಿದ ಅಂಕಿತಾ

ಲುವಾನ್‌ (ಚೀನ): ಭಾರತದ ಭರವಸೆಯ ಆಟಗಾರ್ತಿ ಅಂಕಿತಾ ರೈನಾ ‘ಲುವಾನ್‌ ಟೆನಿಸ್‌ ಟೂರ್ನಿ’ಯಲ್ಲಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ. ಶುಕ್ರವಾರದ ಕ್ವಾ. ಫೈನಲ್ ಕಾಳಗದಲ್ಲಿ ಅವರು ತನಗಿಂತ ಬಹಳಷ್ಟು ಕೆಳ ರ್‍ಯಾಂಕಿಂಗಿನ ಹಾಂಕಾಂಗ್‌ನ ಯುಡಿಸ್‌ ಚಾಂಗ್‌ ಅವರನ್ನು ಭಾರೀ ಹೋರಾಟದ ಬಳಿಕ 2-6, 6-4, 7-5 ಅಂತರದಿಂದ ಸೋಲಿಸುವಲ್ಲಿ ಯಶಸ್ವಿಯಾದರು.

‘ಈ ಮುಖಾಮುಖೀ ತೀವ್ರ ಪೈಪೋಟಿಯಿಂದ ಸಾಗಿತು. 2ನೇ ಹಾಗೂ 3ನೇ ಸೆಟ್‌ನಲ್ಲಿ ನಿಯಂತ್ರಣ ಸಾಧಿಸಿದ್ದರಿಂದ ಮೇಲುಗೈ ಸಾಧ್ಯವಾಯಿತು’ ಎಂದು ಅಂಕಿತಾ ಹೇಳಿದ್ದಾರೆ. ಸೆಮಿಫೈನಲ್ನಲ್ಲಿ ಅಂಕಿತಾ ರೈನಾ ಆತಿಥೇಯ ನಾಡಿನ 7ನೇ ಶ್ರೇಯಾಂಕದ ಶುಯು ಮಾ ವಿರುದ್ಧ ಸೆಣಸಲಿದ್ದಾರೆ.