ಪಾಕ್‌ ಜತೆ ಸೇರಿ ಬೇಹುಗಾರಿಕೆ: ನೌಕಾಪಡೆಯ 7 ಮಂದಿ ಸೆರೆ

ಅಮರಾವತಿ: ಪಾಕಿಸ್ತಾನದ ಜೊತೆ ಸೇರಿಕೊಂಡು ಬೇಹುಗಾರಿಕೆ ನಡೆಸುತ್ತಿದ್ದ ಜಾಲವನ್ನು ಭೇದಿಸಿರುವ ಆಂಧ್ರ ಪ್ರದೇಶ ಪೊಲೀಸರು, ಭಾರತೀಯ ನೌಕಾಪಡೆಯ ಏಳು ಸಿಬ್ಬಂದಿಯನ್ನು ಬಂಧಿಸಿದ್ದಾರೆ.

ಈ ಕುರಿತು ಪ್ರಕಟಣೆ ನೀಡಿರುವ ಪೊಲೀಸರು, ಕೇಂದ್ರ ಗುಪ್ತಚರ ದಳ, ನೌಕಾಪಡೆಯ ಗುಪ್ತಚರ ದಳದೊಂದಿಗೆ “ಡಾಲ್ಫಿನ್‌ ನೋಸ್‌’ ಹೆಸರಿನಲ್ಲಿ ಕಾರ್ಯಾಚರಣೆ ನಡೆಸಿ ಈ ಜಾಲವನ್ನು ಭೇದಿಸಲಾಗಿದೆ. ಬಂಧಿಸಿರುವ ಏಳು ನೌಕಾಪಡೆ ಸಿಬ್ಬಂದಿ ಹಾಗೂ ಓರ್ವ ಹವಾಲಾ ಆಪರೇಟರ್‌ ವಿರುದ್ಧ ಎಫ್ಐಆರ್‌ ದಾಖಲಿಸಲಾಗಿದ್ದು, ನ್ಯಾಯಾಂಗ ವಶಕ್ಕೆ ಒಪ್ಪಿಸಲಾಗಿದೆ ಎಂದು ಹೇಳಿದ್ದಾರೆ.