ಕೈ ಅಭ್ಯರ್ಥಿಗೆ ಅಪ್ಪನ ಹಾಥ್‌ ಮಗ ಮೋದಿಕೇ ಸಾಥ್‌!

ದಕ್ಷಿಣ ಮುಂಬಯಿನಲ್ಲಿ ಕಾಂಗ್ರೆಸ್‌ ಅಭ್ಯರ್ಥಿ ಮಿಲಿಂದ್‌ ದೇವೊರಾಗೆ ಉದ್ಯಮಿ ಮುಕೇಶ್‌ ಅಂಬಾನಿ ಅವರು ಬೆಂಬಲ ಘೋಷಿಸಿದರೆ, ಅಂಬಾನಿ ಪುತ್ರ ಅನಂತ್‌ ಅಂಬಾನಿ ಅವರು ಪ್ರಧಾನಿ ಮೋದಿ ರ್ಯಾಲಿಯಲ್ಲಿ ಪ್ರತ್ಯಕ್ಷವಾಗಿ ದ್ದಾರೆ! ಶುಕ್ರವಾರ ಇಲ್ಲಿ ನಡೆದ ಚುನಾವಣ ರ್ಯಾಲಿಯಲ್ಲಿ ಅನಂತ್‌ ಅಂಬಾನಿ ಮೊದಲ ಸೀಟಿ ನಲ್ಲೇ ಆಸೀನರಾಗಿದ್ದರು. ಈ ಬಗ್ಗೆ ಪ್ರಶ್ನಿಸಿದಾಗ ಅವರು, ನಾನು ಮೋದಿಯವರ ಭಾಷಣ ಆಲಿಸಲು ಬಂದಿ ದ್ದೇನೆ ಮತ್ತು ದೇಶವನ್ನು ಬೆಂಬಲಿಸಲು ಬಂದಿದ್ದೇನೆ ಎಂದಿದ್ದಾರೆ. ಇತ್ತೀ ಚೆಗೆ ಅನಂತ್‌ ಅಪ್ಪ ಮುಕೇಶ್‌ ಅಂಬಾನಿ, ಕಾಂಗ್ರೆಸ್‌ ಅಭ್ಯರ್ಥಿ ಮಿಲಿಂದ್‌ ಅವ ರನ್ನು ಹೊಗಳುತ್ತಾ ಅವರನ್ನು ಬೆಂಬಲಿಸುವುದಾಗಿ ಹೇಳಿದ್ದ ವೀಡಿಯೋವೊಂದು ಹರಿದಾಡಿತ್ತು.