ತಿರುಪತಿಗೆ ತೆರಳಿದ್ದ ಗೋವಾದ ವೃದ್ಧೆ ಕುಸಿದು ಬಿದ್ದು ಮೃತ್ಯು

ಪಣಜಿ: ಮುಖ್ಯಮಂತ್ರಿ ದೇವದರ್ಶನ ಯೋಜನೆಯಡಿ ತಿರುಪತಿಗೆ ತೆರಳಿದ್ದ ವೃದ್ಧೆಯೊಬ್ಬರು ಸಾವನ್ನಪ್ಪಿರುವ ಘಟನೆ ನಡೆದಿದೆ. ಮೃತ ವೃದ್ಧೆ ವಾಸ್ಕೋ ಮೂಲದವರಾಗಿದ್ದು, ಗುರುವಾರ ತಡರಾತ್ರಿ ಗೋವಾದಲ್ಲಿ ಸುದ್ದಿ ತಿಳಿದು ಗೊಂದಲ ಸೃಷ್ಟಿಯಾಗಿದೆ.

ಮುಖ್ಯಮಂತ್ರಿ ದೇವದರ್ಶನ ಯೋಜನೆಯಡಿ ಮಂಗಳವಾರ 900 ಭಕ್ತರು ವಾಸ್ಕೋದಿಂದ ತಿರುಪತಿಗೆ ತೆರಳಿದ್ದರು. ಮುರ್ಗಾಂವ ಶಾಸಕ ಸಂಕಲ್ಪ್ ಅಮೋಣ್ಕರ್ 900 ಭಕ್ತರ ಈ ಬ್ಯಾಚ್ ಅನ್ನು ಶುಭಾಶಯಗಳೊಂದಿಗೆ ಕಳುಹಿಸಿದರು. ತಿರುಪತಿಗೆ ತೆರಳಿದ್ದ ಈ ಭಕ್ತರಲ್ಲಿ ವೃದ್ಧೆ ಕಲ್ಯಾಣಿ ಕಾಣಕೋಣಕರ್ (75) ಸಾವನ್ನಪ್ಪಿದ್ದಾರೆ.

ರುವಾರ ಸಂಜೆ ಯಾತ್ರೆ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ. ಗೋವಾದಿಂದ ಭಕ್ತರು ಬಾಲಾಜಿ ದರ್ಶನಕ್ಕೆ ಪದ್ಮಾವತಿ ದೇವಸ್ಥಾನಕ್ಕೆ ತೆರಳಿದ್ದ ವೇಳೆ ಈ ಘಟನೆ ನಡೆದಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಇದ್ದಕ್ಕಿದ್ದಂತೆ ಕುಸಿದು ಬಿದ್ದಿದ್ದಾರೆ. ಈ ವೇಳೆ ಇತರರು ಆಕೆಯನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಆದರೆ ಅಲ್ಲಿ ಆಕೆ ಮೃತಪಟ್ಟಿರುವುದಾಗಿ ವೈದ್ಯರು ಘೋಷಿಸಿದರು. ಈ ಘಟನೆಯ ಸುದ್ದಿ ಗುರುವಾರ ತಡರಾತ್ರಿ ಗೋವಾ ತಲುಪಿ ಆತಂಕಕ್ಕೆ ಕಾರಣವಾಗಿದೆ.