ಆಂಧ್ರಕ್ಕೆ 1,269 ಕೋಟಿ ರೂ. 

ಅಮರಾವತಿ: ಬಜೆಟ್‌ನಲ್ಲಿ ಹೆಚ್ಚಿನ ಅನುದಾನ ನೀಡಲಾಗಿಲ್ಲ ಎಂದು ಟಿಡಿಪಿ ಮತ್ತು ವೈಎಸ್‌ಆರ್‌ ಕಾಂಗ್ರೆಸ್‌ ಸಂಸದರು ಸಂಸತ್‌ನಲ್ಲಿ ಗದ್ದಲ ಎಬ್ಬಿಸಿರುವಂತೆಯೇ ಕೇಂದ್ರ ಸರಕಾರ ವಿವಿಧ ಯೋಜನೆಗಳಿಗಾಗಿ ಆಂಧ್ರಕ್ಕೆ 1,269 ಕೋಟಿ ರೂ. ಬಿಡುಗಡೆ ಮಾಡಿದೆ. ಸಿಎಂ ಚಂದ್ರಬಾಬು ನಾಯ್ಡು ಒತ್ತಾಯಿಸಿರುವಂತೆ ಪೋಲಾವರಂ ಯೋಜನೆಗಾಗಿ 417.44 ಕೋಟಿ ರೂ ನೀಡಲಾಗಿದೆ. ಇದರ ಜತೆಗೆ 253 ಕೋಟಿ ರೂ.ಗಳನ್ನು ಸ್ಥಳೀಯ ಸಂಸ್ಥೆಗಳಿಗಾಗಿ ಬಿಡುಗಡೆ ಮಾಡಿದೆ. 196.92 ಕೋಟಿ ರೂ.ಮೊತ್ತವನ್ನು ಅಂಗನವಾಡಿಗಳ ಅಭಿವೃದ್ಧಿಗಾಗಿ ಬಿಡುಗಡೆ ಮಾಡಲಾಗಿದೆ. ಇದಲ್ಲದೆ 14ನೇ ಹಣಕಾಸು ಆಯೋಗದ ಅನ್ವಯ 369 ಕೋಟಿ ರೂ. ಬಿಡುಗಡೆ ಮಾಡಿದೆ.