ಅಂಬಾನಿ ವಾರ್ಷಿಕ ವೇತನ 15 ಕೋಟಿ ರೂ.

ಹೊಸದಿಲ್ಲಿ: ದೇಶದ ಅತ್ಯಂತ ಶ್ರೀಮಂತ ಉದ್ಯಮಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿರುವ ಉದ್ಯಮಿ ಮುಕೇಶ್‌ ಅಂಬಾನಿ ವೇತನ 15 ಕೋಟಿ ರೂ. ಎಂದು ನಿಗದಿಪಡಿಸಲಾಗಿದೆ. ಸತತ 11ನೇ ವರ್ಷಕ್ಕೆ ಈ ವೇತನ ಮುಂದುವರಿಕೆ ಮಾಡಲಾಗಿದೆ. 2008ರಿಂದ ವೇತನ, ಭತ್ಯೆ ಮತ್ತು ಇತರ ಅಂಶಗಳನ್ನು ಒಳಗೊಂಡು ಈ ವೇತನ ಶ್ರೇಣಿ ಇದೆ. ನಗದು ಮೂಲಕವಾಗಿ ಸೇರಿಕೊಳ್ಳುವ ಇತರ ಅಂಶಗಳೂ ಸೇರಿದಂತೆ ಒಟ್ಟು 24 ಕೋಟಿ ರೂ. ಅವರಿಗೆ ಸಂದಾಯವಾಗುತ್ತದೆ. 2018-19ನೇ ವಿತ್ತೀಯ ವರ್ಷದಲ್ಲಿ ಅವರಿಗೆ ವಾರ್ಷಿಕವಾಗಿ 4.45 ಕೋಟಿ ರೂ. ವೇತನ ನಿಗದಿಯಾಗಿತ್ತು. 2017-18ನೇ ಸಾಲಿಗೆ ಹೋಲಿಕ ಮಾಡಿದರೆ ಕೊಂಚ ಕಡಿಮೆ. ಆ ವರ್ಷ ಅವರಿಗೆ 4.49 ಕೋಟಿ ರೂ. ವೇತನ ಇತ್ತು ಎಂದು ರಿಲಯನ್ಸ್‌ನ ಇತ್ತೀಚಿನ ವಾರ್ಷಿಕ ವರದಿಯಲ್ಲಿ ಉಲ್ಲೇಖೀಸಲಾಗಿದೆ.