ಅಮೆಜಾನ್‌ನಲ್ಲಿ ಶೀಘ್ರ 14,000 ಉದ್ಯೋಗ ಕಡಿತ: ವರದಿ

ನವದೆಹಲಿ: ಇ-ಕಾಮರ್ಸ್‌ ದೈತ್ಯ ಅಮೆಜಾನ್‌ 2025ರ ಆರಂಭದಲ್ಲಿ ಸುಮಾರು 14 ಸಾವಿರದಷ್ಟು ವ್ಯವಸ್ಥಾಪಕ ಹಂತದ ಉದ್ಯೋಗ ಕಡಿತಕ್ಕೆ ಚಿಂತನೆ ನಡೆಸಿದೆ ಎಂದು ವರದಿಯೊಂದು ಹೇಳಿದೆ.

ಈ ಕ್ರಮದಿಂದ ಸಂಸ್ಥೆಗೆ 25,206 ಕೋಟಿ ರೂ.ಗಳಷ್ಟು ಉಳಿತಾಯ ಆಗಲಿದೆ ಎನ್ನಲಾಗಿದೆ. ವರದಿಯ ಪ್ರಕಾರ, ಅಮೆಜಾನ್‌ ತನ್ನ ನಿರ್ವಹಣಾ ಕಾರ್ಯಪಡೆಯನ್ನು ಜಾಗತಿಕವಾಗಿ 1.05 ಲಕ್ಷ ದಿಂದ 91,936ಕ್ಕೆ ಇಳಿಸಿದರೆ, ವಾರ್ಷಿಕವಾಗಿ ವೆಚ್ಚ ಉಳಿತಾಯ 17,644 ಕೋಟಿ ರೂ.ಗಳಿಂದ 30,248 ಕೋಟಿ ರೂ. ಆಗಲಿದೆ ಎಂದು ಮೋರ್ಗನ್‌ ಸ್ಟಾನ್ಲಿ ವಿಶ್ಲೇಷಣೆ ಹೇಳಿದೆ.