ಬೆಂಗಳೂರು ಕಂಪೆನಿಯಲ್ಲಿ ಅಮೆಜಾನ್‌ ಹೂಡಿಕೆ

ಹೊಸದಿಲ್ಲಿ: ಬೆಂಗಳೂರು ಮೂಲದ ಕ್ವೆಸ್‌ ಕಾರ್ಪ್‌ ಎಂಬ ಕಂಪೆನಿಯಲ್ಲಿ ಅಮೆರಿಕದ ಇ-ಮಾರಾಟ ಸಂಸ್ಥೆ ಅಮೆಜಾನ್‌, 51 ಕೋಟಿ ರೂ. ಹೂಡಿಕೆ ಮಾಡಿದೆ. ಕ್ವೆಸ್‌ ಕಂಪೆನಿಯ ಅಂಗಸಂಸ್ಥೆಯಾದ ಕ್ಯುಡಿಜಿ ಸರ್ವೀಸಸ್‌ನಲ್ಲಿನ 7,54,437 ಷೇರುಗಳನ್ನು, ಪ್ರತಿ ಷೇರಿಗೆ 676 ರೂ. ನೀಡಿ, 50.99 ಕೋಟಿ ರೂ.ಗಳಿಗೆ ಅಮೆಜಾನ್‌ನ ವಿದೇಶಿ ಬಂಡವಾಳ ಹೂಡಿಕೆ ಸಂಸ್ಥೆ “ಅಮೆಜಾನ್‌ ಡಾಟ್‌ ಕಾಮ್‌ ಎನ್‌ವಿ ಇನ್ವೆಸ್ಟ್‌ಮೆಂಟ್‌ ಹೋಲ್ಡಿಂಗ್ಸ್‌ ಎಲ್‌ಎಲ್‌ಸಿ’ ಕಂಪೆನಿ ಕೊಂಡುಕೊಂಡಿದೆ. ಅಮೆಜಾನ್‌ನ ಹೂಡಿಕೆ ಮಾರುಕಟ್ಟೆಯಲ್ಲಿ ಕ್ವೆಸ್‌ ಕಂಪೆನಿಯ ಷೇರುಗಳ ಮೌಲ್ಯ ಶೇ. 18.86ರಷ್ಟು ವೃದ್ಧಿಯಾಗಿದೆ ಎಂದು ಕ್ವೆಸ್‌ ಕಂಪೆನಿ ಹೇಳಿಕೊಂಡಿದೆ.