ಹೈದಾರಬಾದ್: ಸ್ಟೈಲಿಸ್ಟ್‌ ಸ್ಟಾರ್‌ ಅಲ್ಲು ಅರ್ಜುನ್ ಅವರ ʼಪುಷ್ಪʼ ಚಿತ್ರ ಪ್ಯಾನ್‌ ಇಂಡಿಯಾ ಮಟ್ಟದಲ್ಲಿ ಸೌಂಡ್‌ ಮಾಡಿದ್ದು ಗೊತ್ತೇ ಇದೆ. ಸಿನಿಮಾದ ಎರಡನೇ ಭಾಗಕ್ಕೆ ಪ್ರೇಕ್ಷಕರು ಕಾಯುತ್ತಿದ್ದಾರೆ. ಎಷ್ಟರ ಮಟ್ಟಿಗೆ ಎಂದರೆ ಒಂದು ಅಪ್ಡೇಟ್‌ ಗಾಗಿ ಕೆಲ ಅಭಿಮಾನಿಗಳು ರಸ್ತೆಗಿಳಿದಿದ್ದಾರೆ.
ಸುಕುಮಾರ್‌ ನಿರ್ದೇಶನದಲ್ಲಿ ಬಂದ ʼಪುಷ್ಪʼ ಸಿನಿಮಾ ಟಾಲಿವುಡ್‌ ನಲ್ಲಿ ಅಲ್ಲು ಫ್ಯಾನ್ಸ್ ಗಳನ್ನು ಥ್ರಿಲ್‌ ಮಾಡಿತ್ತು. ರಕ್ತಚಂದನದ ಮರಗಳನ್ನು ಸಾಗಿಸುವ ಅಡ್ವೈಂಚರ್‌ ಸಫಾರಿಯ ಹಾಗೆ ಕಾಡಿನಲ್ಲಿ ಚಿತ್ರೀಕರಣಗೊಂಡ ʼಪಷ್ಪರಾಜʼನ ಸಾಹಸ, ಇನ್ನಷ್ಟು ಬೆಳೆದು, ಅಬ್ಬರದೊಂದಿಗೆ ʼಪುಷ್ಪ: ದಿ ರೂಲ್‌ʼ ಎರಡನೇ ಭಾಗವಾಗಿ ಬರಲಿದೆ. ಮುಂದುವರೆದ ಭಾಗದಲ್ಲಿ ಭನ್ವರ್ ಸಿಂಗ್ ಶೇಖಾವತ್ (ಫಾಹದ್‌ ಫಾಸಿಲ್‌ ) ಪುಷ್ಪರಾಜ್‌ (ಅಲ್ಲು ಅರ್ಜುನ್) ಅವರ ಮುಖಾಮುಖಿ ಇರಲಿದೆ.
ಮೊದಲ ಭಾಗಕ್ಕಿದ್ದ ಹೈಪ್‌ ಎರಡನೇ ಭಾಗಕ್ಕೂ ಅಷ್ಟೇ ಇದೆ. ಸಿನಿಮಾದ ಅಪ್ಡೇಡ್‌ ಗಾಗಿ ಪ್ರೇಕ್ಷಕರು ಕಾಯುತ್ತಿದ್ದಾರೆ. ಎಲ್ಲಿಯವರೆಗೆ ಅಂದರೆ ಕಾದು ಕಾದು ಅಭಿಮಾನಿಗಳು ಈಗ ರಸ್ತೆಗೆ ಇಳಿದಿದ್ದಾರೆ.
ʼಪುಷ್ಪ: ದಿ ರೂಲ್‌ʼ ಸಿನಿಮಾದ ಮುಹೂರ್ತ ಇತ್ತೀಚೆಗೆ ನಡೆದಿದೆ. ಸಿನಿಮಾದಲ್ಲಿ ಅಲ್ಲು ಲುಕ್‌ ಹೇಗಿರಲಿದೆ. ಕಥೆ ಹೇಗಿರಬಹುದು. ಯಾವೆಲ್ಲಾ ಹೊಸ ಪಾತ್ರಗಳು ಇರಲಿವೆ ಅನ್ನೋದು ಅಭಿಮಾನಿಗಳ ಕಾತುರದ ಪ್ರಶ್ನೆ ಇದನ್ನೇ ಕೇಳುತ್ತಾ ನಮಗೆ ಪುಷ್ಪ -2 ಸಿನಿಮಾದ ಅಪ್ಡೇಟ್‌ ಬೇಕೆಂದು ಬ್ಯಾನರ್‌ ಹಿಡಿದು ಬೀದಿಗೆ ಇಳಿದಿದ್ದಾರೆ.
ಖ್ಯಾತ ಸಿನಿಮಾ ಟ್ರ್ಯಾಕರ್‌, ಪತ್ರಕರ್ತ ರಮೇಶ್‌ ಬಾಲಾ ಅವರು ಅಭಿಮಾನಿಗಳ ಈ ರೀತಿಯ ಬೇಡಿಕೆಯ ಕುರಿತು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಕರ್ನಾಟಕ, ಮಹಾರಾಷ್ಟ್ರ, ಕೇರಳ ಯುಎಇನಲ್ಲಿ ʼಪುಷ್ಪ-2ʼ ಸಿನಿಮಾದ ಅಪ್ಡೇಟ್‌ ಗಾಗಿ ಬ್ಯಾನರ್‌ ಹಿಡಿದ ಅಭಿಮಾನಿಗಳ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
ಸದ್ಯ ಪುಷ್ಪ -2 ಸಿನಿಮಾದ ಚಿತ್ರೀಕರಣ ಭರದಿಂದ ಸಾಗುತ್ತಿದೆ.
