ಆಲ್‌ಟೈಮ್‌ ಆರ್‌ಸಿಬಿ ಇಲೆವೆನ್‌: ವಿರಾಟ್‌ ಕೊಹ್ಲಿ ನಾಯಕ

ಬೆಂಗಳೂರು: ಐಪಿಎಲ್‌ನ ಬಲಿಷ್ಠ, ಆದರೆ ನತದೃಷ್ಟ ಐಪಿಎಲ್‌ ತಂಡಗಳಲ್ಲಿ ಆರ್‌ಸಿಬಿಗೆ ಅಗ್ರಸ್ಥಾನ.

ವಿಶ್ವ ದರ್ಜೆಯ ಘಟಾನುಘಟಿ ಕ್ರಿಕೆಟಿಗರನ್ನು ಹೊಂದಿದ್ದೂ ಇನ್ನೂ ಕಪ್‌ ಎತ್ತದ ತಂಡವಿದು. ಇದರ ಸಾರ್ವಕಾಲಿಕ ಶ್ರೇಷ್ಠ ತಂಡವೊಂದನ್ನು ರಚಿಸಿದರೆ ಹೇಗಿದ್ದೀತು?

ಮಾಜಿ ಕ್ರಿಕೆಟಿಗ, ಖ್ಯಾತ ವೀಕ್ಷಕ ವಿವರಣಕಾರ ಆಕಾಶ್‌ ಚೋಪ್ರಾ ಈ ಕೆಲಸ ಮಾಡಿದ್ದಾರೆ.

ಆರ್‌ಸಿಬಿಯನ್ನು ಪ್ರತಿನಿಧಿಸಿದ, ಈಗ ಬೇರೆ ಬೇರೆ ತಂಡಗಳಲ್ಲಿ ಹಂಚಿ ಹೋಗಿರುವ ಆಟಗಾರರನ್ನೆಲ್ಲ ಪರಿಗಣಿಸಿ ಆಕಾಶ್‌ ಚೋಪ್ರಾ ಈ ತಂಡವನ್ನು ಆಯ್ದಿದ್ದಾರೆ.

ಇದಕ್ಕೆ ನಿರೀಕ್ಷೆಯಂತೆ ವಿರಾಟ್‌ ಕೊಹ್ಲಿ ನಾಯಕರಾಗಿದ್ದಾರೆ. ವಿಕೆಟ್‌ ಕೀಪರ್‌ ಆಗಿ ಈಗ ಪಂಜಾಬ್‌ ತಂಡದ ಸದಸ್ಯನಾಗಿರುವ ಕೆ.ಎಲ್‌.ರಾಹುಲ್‌ ಅವರನ್ನು ಆರಿಸಿದ್ದಾರೆ. ಆರ್‌ಸಿಬಿಯ ನಾಯಕನಾಗಿದ್ದ ಅನಿಲ್‌ ಕುಂಬ್ಳೆ ಕೂಡ ಈ ತಂಡದಲ್ಲಿದ್ದಾರೆ.

ಆಲ್‌ಟೈಮ್‌ ಆರ್‌ಸಿಬಿ ಇಲೆವೆನ್‌
ವಿರಾಟ್‌ ಕೊಹ್ಲಿ (ನಾಯಕ), ಕ್ರಿಸ್‌ ಗೇಲ್‌, ಕೆ.ಎಲ್‌. ರಾಹುಲ್‌ (ವಿ.ಕೀ.), ಎಬಿ ಡಿ ವಿಲಿಯರ್, ರಾಸ್‌ ಟೇಲರ್‌, ರಾಬಿನ್‌ ಉತ್ತಪ್ಪ, ಮಿಚೆಲ್‌ ಸ್ಟಾರ್ಕ್‌, ಅನಿಲ್‌ ಕುಂಬ್ಳೆ, ಯಜುವೇಂದ್ರ ಚಹಲ್‌, ಆರ್‌. ವಿನಯ್‌ ಕುಮಾರ್‌, ಜಹೀರ್‌ ಖಾನ್‌.