ಕೌಂಟಿಯತ್ತ ಆಲ್‌ರೌಂಡರ್‌ ಅಕ್ಷರ್‌ ಪಟೇಲ್‌

ನವದೆಹಲಿ: ಭಾರತದ ತಂಡದ ಆಲ್‌ರೌಂಡರ್‌ ಅಕ್ಷರ್‌ ಪಟೇಲ್‌ ಕೌಂಟಿ ಕ್ರಿಕೆಟ್‌ ಆಡಲು ಮುಂದಾಗಿದ್ದಾರೆ. ಸದ್ಯ ಅಕ್ಷರ್‌ ಪಟೇಲ್‌ ಐಪಿಎಲ್‌ ಫ್ರಾಂಚೈಸಿ ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ. ಹೀಗಾಗಿ ಐಪಿಎಲ್‌ ಮುಗಿದ ನಂತರ ಕೌಂಟಿ ಕ್ರಿಕೆಟ್‌ ತಂಡವನ್ನು ಕೂಡಿಕೊಳ್ಳುವ ಸಾಧ್ಯತೆ ಇದೆ.ಈ ಬಗ್ಗೆ ಟ್ವೀಟ್‌ ನೀಡಿರುವ ಡರ್ಹಾಮ್‌ ಕೌಂಟಿ ಕ್ರಿಕೆಟ್‌ ಕ್ಲಬ್‌, ಭಾರತೀಯ ಆಲ್‌ರೌಂಡರ್‌ ಅಕ್ಷರ್‌ ಪಟೇಲ್‌ಗೆ ಸ್ವಾಗತ.

2018ನೇ ಆವೃತ್ತಿಯ ಫೈನಲ್‌ ಸಿಕ್ಸ್‌ ಕೌಂಟಿ ಚಾಂಪಿಯನ್‌ಶಿಪ್‌ಗೆ ತಂಡವನ್ನು ಕೂಡಿಕೊಳ್ಳಲಿದ್ದಾರೆ ಎಂದು ತಿಳಿಸಿದೆ. ಅಕ್ಷರ್‌ ಪಟೇಲ್‌ ಭಾರತದ ಪರ 38 ಏಕದಿನ, 11 ಟಿ20 ಪಂದ್ಯವನ್ನು ಆಡಿದ್ದಾರೆ. ಏಕದಿನದಲ್ಲಿ 45, ಟಿ20ಯಲ್ಲಿ 9 ವಿಕೆಟ್‌ ಪಡೆದಿದ್ದಾರೆ.