ವಿಮಾನದಲ್ಲಿದ್ದ ಎಲ್ಲ 13 ಮಂದಿ ಸಾವು

ಹೊಸದಿಲ್ಲಿ: ಇತ್ತೀಚೆಗೆ ಅರುಣಾಚಲ ಪ್ರದೇಶದ ಬೆಟ್ಟದ ತಪ್ಪಲಲ್ಲಿ ಪತನಗೊಂಡಿದ್ದ ವಾಯುಪಡೆಯ ಎಎನ್‌-32 ವಿಮಾನದಲ್ಲಿದ್ದ ಯಾರೂ ಬದುಕುಳಿದಿಲ್ಲ ಎಂದು ವಾಯುಪಡೆ ಗುರುವಾರ ಸ್ಪಷ್ಟಪಡಿಸಿದೆ. ವಿಮಾನದ ಅವಶೇಷಗಳು ಪತ್ತೆಯಾದಂಥ ಪರ್ವತ ಪ್ರದೇಶದಲ್ಲಿ ರಕ್ಷಣಾ ತಂಡವು ಶೋಧ ಕಾರ್ಯ ನಡೆಸಿದ್ದು, ವಿಮಾನದಲ್ಲಿದ್ದ ಎಲ್ಲ 13 ಮಂದಿಯೂ ಮೃತಪಟ್ಟಿರುವುದು ಖಾತ್ರಿಯಾಗಿದೆ ಎಂದು ತಿಳಿಸಿದೆ. ಜತೆಗೆ, ಮೃತರ ಕುಟುಂಬಗಳಿಗೆ ವಾಯುಪಡೆ ಟ್ವೀಟ್‌ ಮೂಲಕ ಸಾಂತ್ವನ ಹೇಳಿದೆ.