‘ಅಕ್ಷಿ’ ಚಿತ್ರಕ್ಕೆ ಮೆಚ್ಚುಗೆ

‘ಅಕ್ಷಿ’- ಹೀಗೊಂದು ಸಿನಿಮಾ ಕಳೆದ ವಾರ ತೆರೆಕಂಡಿರುವ ವಿಚಾರ ನಿಮಗೆ ಗೊತ್ತೇ ಇದೆ. ಈಗ ಈ ಚಿತ್ರಕ್ಕೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ನೇತ್ರದಾನದ ಕಾನ್ಸೆಪ್ಟ್ನೊಂದಿಗೆ ತಯಾರಾದ ಈ ಸಿನಿಮಾದಲ್ಲಿ ಸಾಕಷ್ಟು ಉತ್ತಮ ವಿಚಾರಗಳನ್ನು ಹೇಳಲಾಗಿದೆ. ಈ ಮೂಲಕ ಹೊಸಬರ ಪ್ರಯತ್ನಕ್ಕೆ ಮೆಚ್ಚುಗೆ ಸಿಕ್ಕಂತಾಗಿದೆ.

ಮನೋಜ್‌ ಕುಮಾರ್‌ ಈ ಚಿತ್ರದ ನಿರ್ದೇಶಕರು. “ಈ ಸಿನಿಮಾ ಮಾಡಲು ನಿಜವಾದ ಪ್ರೇರಣೆ ಡಾ.ರಾಜ್‌ಕುಮಾರ್‌. ರಾಜ್‌ಕುಮಾರ್‌ ತಮ್ಮ ಕಣ್ಣುಗಳನ್ನು ದಾನ ಮಾಡಿದ್ದಾರೆ. ಆ ವಿಚಾರ ನನಗೆ ಕುತೂಹಲ ಹುಟ್ಟಿಸಿ. ಅದೇ ಅಂಶವನ್ನಿಟ್ಟುಕೊಂಡು ಸಿನಿಮಾ ಮಾಡಿದ್ದೇವೆ. ನಮಗೆ ಒಳ್ಳೆಯ ಸಿನಿಮಾ ಮಾಡಬೇಕೆಂಬ ಉದ್ದೇಶವಷ್ಟೇ ಇತ್ತು’ ಎನ್ನುವುದು ನಿರ್ದೇಶಕರ ಮಾತು.

ಇದನ್ನೂ ಓದಿ:ಬೀರನ ಸಾಹಸಗಳು! 9 ವರ್ಷಗಳ ಬಳಿಕ ತೆರೆಗೆ ಬರುವ ಪ್ರಯತ್ನ

ಚಿತ್ರದಲ್ಲಿ ಗೋವಿಂದೇಗೌಡ, ಬೇಬಿ ಸೌಮ್ಯ ಪ್ರಭು, ಮಾಸ್ಟರ್‌ ಮಿಥುನ್‌, ಇಳಾ ವಿಟ್ಲ ನಟಿಸಿದ್ದಾರೆ. ಚಿತ್ರವನ್ನು ಶ್ರೀನಿವಾಸ್‌ ವಿ, ರಮೇಶ್‌ ಹಾಗೂ ರವಿ ಹೆಚ್‌. ಎಸ್‌ ಸೇರಿ ನಿರ್ಮಿಸಿದ್ದಾರೆ.