Raja Bhoj ಆಕಾಶ ವಿಮಾನ ತುರ್ತು ಭೂಸ್ಪರ್ಶ: ಕೊನೆಯುಸಿರೆಳೆದ ಪ್ರಯಾಣಿಕ!

ವಾರಾಣಸಿ : ವಾರಾಣಸಿಯಿಂದ ಮುಂಬೈಗೆ ಹಾರಾಟ ನಡೆಸುತ್ತಿದ್ದ ಆಕಾಶ ವಿಮಾನ ಪ್ರಯಾಣಿಕರೊಬ್ಬರು ತೀವ್ರ ಸ್ವಸ್ಥಗೊಂಡ ಕಾರಣ ತುರ್ತು ಭೂಸ್ಪರ್ಶ ಮಾಡಿದ ಘಟನೆ ಭೋಪಾಲ್ ನ ರಾಜಾ ಭೋಜ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಗುರುವಾರ (ಆಗಸ್ಟ್ 15) ನಡೆದಿದೆ.

ವಾರಾಣಸಿಯಿಂದ ಮುಂಬೈಗೆ ಹಾರುತ್ತಿದ್ದ QP1524 ವಿಮಾನ ವೈದ್ಯಕೀಯ ತುರ್ತುಸ್ಥಿತಿಯ ಕಾರಣದಿಂದಾಗಿ ಮಾರ್ಗವನ್ನು ಬದಲಿಸಿ ಭೋಪಾಲ್‌ನಲ್ಲಿ ಇಳಿಯಿತು.

ನಮ್ಮ ಕ್ಯಾಬಿನ್ ಸಿಬಂದಿ ಮತ್ತು ತತ್ ಕ್ಷಣದ ಸಹಾಯವನ್ನು ಒದಗಿಸಿದ ವೈದ್ಯರ ಅತ್ಯುತ್ತಮ ಪ್ರಯತ್ನಗಳ ಹೊರತಾಗಿಯೂ, ಪ್ರಯಾಣಿಕ ದುರದೃಷ್ಟವಶಾತ್ ನಿಧನ ಹೊಂದಿದ್ದಾರೆ ”ಎಂದು ಏರ್‌ಲೈನ್ ಹೇಳಿಕೆಯಲ್ಲಿ ತಿಳಿಸಿದೆ.

“ನಮ್ಮ ಆಲೋಚನೆಗಳು ಮೃತರ ಸಂಬಂಧಿಕರು ಮತ್ತು ಪ್ರೀತಿಪಾತ್ರರ ಜತೆಯಲ್ಲಿವೆ. ಈ ತುರ್ತು ಪರಿಸ್ಥಿತಿಗೆ ಅವರ ತ್ವರಿತ ಪ್ರತಿಕ್ರಿಯೆಗಾಗಿ ನಮ್ಮ ಕ್ಯಾಬಿನ್ ಸಿಬಂದಿ ಮತ್ತು ಸಹಾಯಕ ವೈದ್ಯರ ಪ್ರಯತ್ನಗಳನ್ನು ನಾವು ಪ್ರಶಂಸಿಸುತ್ತೇವೆ” ಎಂದು ಏರ್‌ಲೈನ್ಸ್ ಹೇಳಿದೆ.