Ajit Pawar;ಲೋಕಸಭೆಯಲ್ಲಿ ‘ಸಾಹೇಬ’ರಿಗೆ ಖುಷಿ, ಇದು ನನ್ನ ಸರದಿ

ಬಾರಾಮತಿ: ಲೋಕಸಭಾ ಚುನಾವಣೆಯಲ್ಲಿ “ಸಾಹೇಬ’ರನ್ನು ಖುಷಿಪಡಿಸಿದಂಥೇ, ವಿಧಾನಸಭಾ ಚುನಾವಣೆಯಲ್ಲಿ ನನ್ನನ್ನು ಖುಷಿಪಡಿಸಿ ಎಂದು ಎನ್‌ಸಿಪಿ ನಾಯಕ ಅಜಿತ್‌ ಪವಾರ್‌ ಹೇಳಿದ್ದಾರೆ. ಪ್ರಚಾರದ ವೇಳೆ ಮಾತನಾಡಿ, “ಲೋಕಸಭೆಯಲ್ಲಿ ಸುಪ್ರಿಯಾ ಸುಳೆ ಸೋತರೆ ಸಾಹೇಬರಿಗೆ(ಶರದ್‌ ಪವಾರ್‌) ಬೇಸರವಾಗುತ್ತದೆ ಎಂದು ನೀವು ಅವರನ್ನು ಗೆಲ್ಲಿಸಿದ್ದೀರಿ. ಈ ಬಾರಿ ನನ್ನನ್ನು ಗೆಲ್ಲಿಸಿ ನನ್ನನ್ನು ಖುಷಿಪಡಿಸಿ. ಸಾಹೇಬರು ಅವರ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತಾರೆ, ನಾನು ನನ್ನ ರೀತಿ ಅಭಿವೃದ್ಧಿ ಮಾಡುವೆ’ ಎಂದು ಅಜಿತ್‌ ಹೇಳಿದ್ದಾರೆ.