ದೇಶದ 8,000 ನಗರದಲ್ಲಿ ಏರ್‌ಟೆಲ್‌, ಜಿಯೋ 5ಜಿ

ನವದೆಹಲಿ: ಡಿಜಿಟಲ್‌ ಕ್ರಾಂತಿಯತ್ತ ಭಾರತ ಕಾಲಿಡುತ್ತಿರುವ ನಡುವೆಯೇ, ಅತ್ಯುತ್ತಮ ಹಾಗೂ ತ್ವರಿತ ಅಂತರ್ಜಾಲ ಸಂಪರ್ಕಸೇವೆ ಕಲ್ಪಿಸುವ 5ಜಿ ನೆಟ್ವರ್ಕ್‌ ಸ್ಥಾಪನೆಗೆ ಟೆಲಿಕಾಂ ಸಂಸ್ಥೆಗಳು ಮುಂದಾಗಿವೆ.

ಈಗಾಗಲೇ ದೇಶದ 8 ಸಾವಿರ ನಗರಗಳಲ್ಲಿ ಏರ್‌ಟೆಲ್‌ ಹಾಗೂ ಜಿಯೋ ಸಂಸ್ಥೆಗಳು ತಮ್ಮ 5ಜಿ ನೆಟ್ವರ್ಕ್‌ ಸ್ಥಾಪಿಸಿರುವುದಾಗಿ ತಿಳಿಸಿವೆ. 2022ರ ಸೆಪ್ಟೆಂಬರ್‌ನಿಂದಲೇ 5ಜಿ ನೆಟ್ವರ್ಕ್‌ ಸ್ಥಾಪನೆ ಕಾರ್ಯಗಳು ಆರಂಭಗೊಂಡಿದ್ದು, ಇದೀಗ 2023ರ ಜುಲೈ ವೇಳೆಗೆ ಬೆಂಗಳೂರು ಸೇರಿದಂತೆ ದೇಶದ 7,500 ನಗರಗಳಲ್ಲಿ ಜಿಯೋ 5ಜಿ ಸೇವೆ ಆರಂಭಗೊಂಡಿದ್ದರೆ, 3000ಕ್ಕೂ ಅಧಿಕ ನಗರಗಳಲ್ಲಿ ಏರ್‌ಟೆಲ್‌ 5ಜಿ ಲಭ್ಯವಿದೆ.

ವಿಡಿಯೊ ಡೌನೊಲೋಡ್‌, ಸ್ಟ್ರೀಮಿಂಗ್‌ ಸೇರಿದಂತೆ ಸಂಪೂರ್ಣ ಇಂಟರ್‌ನೆಟ್‌ ಆ್ಯಕ್ಸೆಸ್‌ ಅನ್ನು ಈ 5ಜಿ ಸೇವೆ ವೇಗಗೊಳಿಸಿದ್ದು, 4ಜಿ ಸಿಮ್‌ ಬದಲಿಸದೆಯೇ ಗ್ರಾಹಕರು 5ಜಿ ಸೇವೆ ಪಡೆಯಬಹುದು ಎಂಬುದಾಗಿಯೂ ಸಂಸ್ಥೆಗಳು ಮಾಹಿತಿ ನೀಡಿವೆ.