ಬ್ಯಾಂಡೇಜ್‌ ಒಳಗೆ 26 ಲಕ್ಷ ಚಿನ್ನ: ವಿಮಾನ ಪ್ರಯಾಣಿಕ ಸೆರೆ

ಕೊಯಮುತ್ತೂರು : ಏರ್‌ ಅರೇಬಿಯ ವಿಮಾನದಲ್ಲಿ ಪ್ರಯಾಣಿಸಿ ಇಲ್ಲಿನ ವಿಮಾನ ನಿಲ್ದಾಣದಲ್ಲಿ ಇಳಿದ ಪ್ರಯಾಣಿಕನೋರ್ವನಿಂದ ಕಸ್ಟಮ್ಸ್‌ ಅಧಿಕಾರಿಗಳು ಸುಮಾರು 26 ಲಕ್ಷ ರೂ. ಮೌಲ್ಯದ ಚಿನ್ನದ ಪುಡಿಯನ್ನು ವಶಪಡಿಸಿಕೊಂಡರು. 

ನಸುಕಿನ 4.30ರ ವೇಳೆಗೆ ವಿಮಾನದಿಂದ ಇಳಿದು ಸಂಶಯಾಸ್ಪದ ರೀತಿಯಲ್ಲಿ ಅತ್ತಿಂದಿತ್ತ ಹೋಗುತ್ತಿದ್ದ ಕೇರಳ ಮೂಲದ ಈ ಪ್ರಯಾಣಿಕನನ್ನು ಕಸ್ಟಮ್ಸ್‌ ಅಧಿಕಾರಿಗಳು ತಡೆದು ಪ್ರಶ್ನಿಸಿದಾಗ ಆತನ ಬಳಿ ಅಕ್ರಮ ಸಾಗಾಟ ಚಿನ್ನದ ಪುಡಿ ಕಂಡುಬಂತು. 

ಒಡನೆಯೇ ಅಧಿಕಾರಿಗಳು ಆತನನ್ನು ಬಂಧಿಸಿ ಆತನ ಬಳಿ ಇದ್ದ ಚಿನ್ನದ ಪುಡಿಯನ್ನು ವಶಕ್ಕೆ ತೆಗೆದುಕೊಂಡರು. ಈ ಪುಡಿಯನ್ನು ಆತನು ತನ್ನ ಎರಡೂ ಕಾಲುಗಳಿಗೆ ಕಟ್ಟಲ್ಪಟ್ಟಿದ್ದ ಬ್ಯಾಂಡೇಜ್‌ ಒಳಗಡೆ ಅವಿತಿರಿಸಿದ್ದ ಎಂದು ಅಧಿಕಾರಿಗಳು ಹೇಳಿದ್ದಾರೆ.