AI News: ಡ್ರೋನ್‌ಗಳಿಗಾಗಿ ಎಐ ಟ್ರಾಫಿಕ್‌ ಕಂಟ್ರೋಲರ್‌

ವಾಣಿಜ್ಯ, ರಕ್ಷಣೆ, ಕೃಷಿ ಸೇರಿದಂತೆ ಬಹುತೇಕ ಕ್ಷೇತ್ರಗಳಲ್ಲಿ ಇತ್ತೀಚೆಗೆ ಡ್ರೋನ್‌ಗಳ ಬಳಕೆ ಅಧಿಕವಾಗಿದ್ದು, ಅವುಗಳಿಗೆ ಸುರಕ್ಷಿತ ಸಂಚಾರ ಮಾರ್ಗ ಒದಗಿಸುವ ಅಗತ್ಯವೂ ತಲೆದೋರಿದೆ. ಈ ನಡುವೆಯೇ ಅಸ್ಸಾಂನ ಇಬ್ಬರು ಉದ್ಯಮಿಗಳು ಡ್ರೋನ್‌ಗಳಿಗಾಗಿ ಎಐ ಚಾಲಿತ ಸಂಚಾರ ನಿರ್ವಹಣೆ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿದ್ದಾರೆ.

ಅಕ್ಟೋಬರ್‌ 11ರಂದು ಕೊನೆಗೊಂಡ ” ಈಸ್ಟ್‌ ಟೆಕ್‌ 2023″ ರಕ್ಷಣಾ ಎಕ್ಸ್‌ಪೋದಲ್ಲಿ ಅಡ್ವಾರ್ಡೆ ಸಿಸ್ಟಮ್‌ ಪ್ರೈವೇಟ್‌ ಲಿಮಿಟೆಡ್‌ನ‌ ವ್ಯವಸ್ಥಾಪಕ ನಿರ್ದೇಶಕರಾದ ಮನಶ್‌ ಭುಯಾನ್‌ ಹಾಗೂ ನಿಲ್ಪುಲ್‌ ಚೌಧರಿ ಈ ತಂತ್ರಜ್ಞಾನವನ್ನು ಅಭಿವೃದ್ಧಿ ಪಡಿಸಿ, ಪ್ರಸ್ತುತ ಪಡಿಸಿದ್ದಾರೆ. ಈಗಾಗಲೇ ವಿಮಾನಗಳಿಗೆ ಏರ್‌ ಟ್ರಾಫಿಕ್‌ ಕಂಟ್ರೋಲರ್‌ ಇದೆ. ಅದೇ ಮಾದರಿಯಲ್ಲಿ ಡ್ರೋನ್‌ಗಳಿಗೆ ವಾಯುಸಂಚಾರಕ್ಕೆ ಅನುವು ಮಾಡಿಕೊಡಲು ಹಾಗೂ ಹಕ್ಕಿಗಳೊಂದಿಗೆ ಡ್ರೋನ್‌ಗಳ ಡಿಕ್ಕಿ ತಪ್ಪಿಸಲು ಈ ತಂತ್ರಜ್ಞಾನ ಅಭಿವೃದ್ಧಿಪಡಿಸಿದ್ದೇವೆ. ಇದನ್ನು ಮತ್ತಷ್ಟು ಮೇಲ್ದರ್ಜೆಗೇರಿಸುವ ನಿಟ್ಟಿನಲ್ಲಿ ಭಾರತೀಯ ವಾಯುಪಡೆ ಜೊತೆಗೂ ಕಾರ್ಯನಿರ್ವಹಿಸುತ್ತಿದ್ದೇವೆ ಎಂದಿದ್ದಾರೆ.