Technology; ನದಿ ಸ್ವಚ್ಛತೆಗೆ ಕೃತಕ ಬುದ್ಧಿಮತ್ತೆ ಬೋಟ್‌

ಕೃತಕ ಬುದ್ಧಿಮತ್ತೆ (ಎಐ) ಆಧಾರಿತ ತಂತ್ರಜ್ಞಾನವು ಬಹುಮುಖಿಯಾಗಿ ಕಾರ್ಯನಿರ್ವಹಿಸುತ್ತಿದ್ದು, ಮನುಷ್ಯನ ಮೇಲಿನ ಹೊರೆಯನ್ನು ಗಣನೀಯವಾಗಿ ಕಡಿಮೆಗೊಳಿಸುತ್ತಿದೆ ಎಂಬುದರಲ್ಲಿ ಎರಡನೇ ಮಾತಿಲ್ಲ. ಅದಕ್ಕೊಂದು ನೂತನ ನಿದರ್ಶನವೇ ಎಐ ಚಾಲಿತ ರೊಬೋಟಿಕ್‌ ಬೋಟ್‌!

ಮೇಘಾಲಯದ ಉಮಿಯಾಂ ಸರೋವರ ಎಂದರೆ ಅಲ್ಲಿ ನೀರಿಗಿಂತ ಹೆಚ್ಚೇ ಪ್ಲಾಸ್ಟಿಕ್‌ ತ್ಯಾಜ್ಯಗಳು ಕಾಣಸಿಗುತ್ತವೆ. ಸಂಪೂರ್ಣ ತ್ಯಾಜ್ಯದಿಂದಲೇ ಆವೃತವಾಗಿರುವ ಈ ಸರೋವರನ್ನು ಸ್ವಚ್ಛಗೊಳಿಸುವ ಜವಾಬ್ದಾರಿ ಈಗ ಎಐ ಹೆಗಲಿಗೇರಿದೆ.

ಕ್ಲಿಯರ್‌ಬೋಟ್‌ ಎನ್ನುವ ಸಂಸ್ಥೆ ಮನುಷ್ಯ ಪ್ರಯತ್ನಗಳಿಗಿಂತಲೂ ವೇಗವಾಗಿ, ತನ್ನ ಎಐ ಆಧಾರಿತ ರೊಬೋಟಿಕ್‌ ಬೋಟ್‌ ಮೂಲಕ ಸ್ವಯಂಚಾಲಿತವಾಗಿ ತ್ಯಾಜ್ಯ ಸಂಗ್ರಹಿಸುತ್ತಿದ್ದು, ಇದರ ಪ್ರಯೋಗವನ್ನು ಸರ್ಕಾರವೂ ಮೆಚ್ಚಿಕೊಂಡಿದೆ.

ಈ ಹಿನ್ನೆಲೆಯಲ್ಲಿ ಶೀಘ್ರವೇ ದೊಡ್ಡ ಮಟ್ಟದಲ್ಲಿ ಎಐ ಬೋಟ್‌ಗಳು ಉಮಿಯಾಂನ ಸ್ವಚ್ಛತೆಗೆ ಮುಂದಾಗಲಿವೆ.