AI News: ಮನುಷ್ಯನ ಬದಲು ಮೀಟಂಗ್‌ನಲ್ಲೂ AI

ಮನುಷ್ಯರ ಕೆಲಸದ ಒತ್ತಡಗಳನ್ನು ಕಡಿಮೆ ಮಾಡುವಲ್ಲಿ ಕೃತಕ ಬುದ್ಧಿಮತ್ತೆ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದು, ಇದೀಗ ವಿಪರೀತ ಮೀಟಿಂಗ್‌ಗಳಿಂದ ಬೇಸತ್ತವರಿಗೂ ಎಐ ರಿಲೀಫ್ ನೀಡಲಿದೆ. ಅಂದರೆ ನಿಮ್ಮ ಪರವಾಗಿ, ಖುದ್ದು ಎಐ ಮೀಟಿಂಗ್‌ಗೆ ಹಾಜರಿಯಾಗಲಿದೆ. ಹೌದು, ವಿಡಿಯೊ ಕಾನ್ಫರೆನ್ಸ್‌ ಮೀಟಿಂಗ್‌ಗಳಿಗಾಗಿ ಗೂಗಲ್‌ ಅಭಿವೃದ್ಧಿ ಪಡಿಸಿರುವ “ಮೀಟ್‌’ ಅಪ್ಲಿಕೇಶನ್‌ಗೆ ಈಗ ಎಐ ಫೀಚರ್‌ “ಡ್ಯುಯೆಟ್‌ ಎಐ’ ಅನ್ನು ಅಳವಡಿಸಲಾಗುತ್ತಿದೆ.

ಇದರ ಮೂಲಕ ನೀವು ತುಂಬಾ ಬ್ಯುಸಿ ಇದ್ದು, ಮೀಟಿಂಗ್‌ ಅಟೆಂಡ್‌ ಆಗಲೇ ಬೇಕಿದ್ದಾಗ ಎಐಗೆ ಅಟೆಂಡ್‌ ಫಾರ್‌ ಮೀ ಎಂದು ಕಮಾಂಡ್‌ ನೀಡಬಹುದು. ಆಗ ನಿಮ್ಮ ಬದಲು ಹಾಜರಾಗುವ ಎಐ ನೀವು ಹೇಳಬೇಕಾದ ಅಂಶವನ್ನು ತಾನೇ ಪ್ರಸ್ತುತ ಪಡಿಸುತ್ತದೆ. ಇನ್ನು ನೋಟ್‌ ಫಾರ್‌ ಮೀ ಎಂದು ಕಮಾಂಡ್‌ ನೀಡಿದರೆ ಮೀಟಿಂಗ್‌ನಲ್ಲಿ ಅಂಶಗಳನ್ನು ರೆಕಾರ್ಡ್‌ ಮಾಡಿ, ನೋಟ್‌ ಮಾಡಿ ನಿಮಗೆ ಫೈಲ್‌ ರೀತಿಯಲ್ಲೂ ತಲುಪಿಸುತ್ತದೆ. ಸದ್ಯಕ್ಕೆ ಇದು ಯಶಸ್ವಿಯಾಗಿದ್ದು, ಮುಂದಿನ ವರ್ಷ ಸಂಸ್ಥೆ ಡ್ನೂಯೆಟ್‌ ಎಐ ಬಿಡುಗಡೆಗೊಳಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ.