ಆಗುಂಬೆ ಘಾಟಿ ಬಂದ್‌ ಹಿನ್ನೆಲೆ ಸಿಇಟಿ ವಿದ್ಯಾರ್ಥಿಗಳ ಪರದಾಟ

ಹೆಬ್ರಿ: ಆಗುಂಬೆ ಘಾಟಿ ಬಂದ್‌ ಆಗಿ ಒಂದು ತಿಂಗಳಾದರೂ ಆಮೆಗತಿಯ ಕಾಮಗಾರಿಯಿಂದ ಘಾಟಿ ಬಂದ್‌ ಮತ್ತೆ ಮೇ 15ರ ವರೆಗೆ ಮುಂದುವರಿಯಲಿದೆ.

ಘಾಟಿ ಬಂದ್‌ ಇದ್ದರೂ ಕೆಲವರು ಬೈಕ್‌ನಲ್ಲಿ ಬೆಳಗ್ಗೆ ಬೇಗ ಹಾಗೂ ಸಂಜೆ ಓಡಾಡುತ್ತಿದ್ದ ವಿಷಯ ತಿಳಿದು ಸೋಮವಾರ ಬೆಳಗ್ಗೆ ತೀರ್ಥಹಳ್ಳಿ ಆಗುಂಬೆಯ ವಿದ್ಯಾರ್ಥಿಗಳು ಪೋಷಕರೊಂದಿಗೆ ದ್ವಿಚಕ್ರ ವಾಹನದಲ್ಲಿ ಬಂದಿದ್ದು 5ನೇ ಸುತ್ತಿನಲ್ಲಿ ರಸ್ತೆ ಕಾಂಕ್ರಿಟ್‌ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಸಂಪೂರ್ಣ ಬಂದ್‌ ಮಾಡಿದ ಕಾರಣ ಸಿಇಟಿ ವಿದ್ಯಾರ್ಥಿಗಳು ಪರದಾಡುವಂತಹ ಪರಿಸ್ಥಿತಿ ನಿರ್ಮಾಣವಾಯಿತು.

ಉಡುಪಿ ಜಿಲ್ಲಾ ವ್ಯಾಪ್ತಿಯಲ್ಲಿ ಘಾಟಿ ಆರಂಭದಲ್ಲಿ ಮಾಹಿತಿ ನೀಡಲು ಅಥವಾ ತಡೆಯಲು ಯಾರೂ ಇಲ್ಲದಿರುವುದು ಸಮಸ್ಯೆಗೆ ಕಾರಣ. ಆಗುಂಬೆ ಚೆಕ್‌ಪೋಸ್ಟ್‌ನಲ್ಲಿ ದ್ವಿಚಕ್ರ ವಾಹನ ಸವಾರನ್ನು ಬಿಟ್ಟಿರುವುದರಿಂದ 5ನೇ ತಿರುವಿಗೆ ಬಂದು ಸಮಸ್ಯೆ ಯನ್ನು ಎದುರಿಸುವಂತಾಯಿತು.