Bank ನೌಕರರ ವೇತನ ಪರಿಷ್ಕರಣೆಗೆ ಒಪ್ಪಿಗೆ

ಮಂಗಳೂರು: ಭಾರತೀಯ ಬ್ಯಾಂಕ್‌ ಅಸೋಸಿಯೇಶನ್‌ (ಐಬಿಎ) ಮತ್ತು ಬ್ಯಾಂಕ್‌ ಉದ್ಯೋಗಿಗಳ ಸಂಘಗಳು ಬ್ಯಾಂಕ್‌ ಉದ್ಯೋಗಿ ಗಳ ವೇತನ ಹೆಚ್ಚಳಕ್ಕೆ ಸಂಬಂಧಿಸಿದ ಸೆಟಲ್ಮೆಂಟ್‌ಗೆ ಒಪ್ಪಿಗೆ ಸೂಚಿಸಿವೆ. ಇದು 2022ರ ನ. 1ರಿಂದ ಅನ್ವಯವಾಗುವಂತೆ ಮುಂದಿನ 5 ವರ್ಷಗಳ ವರೆಗೆ ಜಾರಿಯಾಗಲಿದೆ. ಇದರಿಂದ ಬ್ಯಾಂಕ್‌ ನೌಕರರಿಗೆ ಶೇ. 17ರಷ್ಟು ವೇತನ ಪರಿಷ್ಕರಣೆಯಾಗಲಿದೆ.

ಐಬಿಎ ಮತ್ತು 9 ಸಂಘಟನೆಗಳನ್ನೊಳ ಗೊಂಡ ಬ್ಯಾಂಕ್‌ಸಂಘಟನೆಗಳ ಸಂಯುಕ್ತ ವೇದಿಕೆ (ಯುಎಫ್‌ಬಿಯು) ಈ ಒಪ್ಪಂದಕ್ಕೆ ಸಹಿ ಮಾಡಿವೆ. ಈ ಕುರಿತ ಅಂತಿಮ ಒಪ್ಪಂದಕ್ಕೆ ಇನ್ನೆರಡು ತಿಂಗಳಲ್ಲಿ ಸಹಿ ಬೀಳುವ ನಿರೀಕ್ಷೆಯಿದೆ. ಇದರಿಂದ ಎಸ್‌ಬಿಐ ಒಳಗೊಂಡು ಸರಕಾರಿ ಸ್ವಾಮ್ಯದ ಬ್ಯಾಂಕ್‌ಗಳಿಗೆ 12,449 ಕೋ.ರೂ. ಹೊರೆ ಬೀಳಲಿದೆ. 9 ಲಕ್ಷ ಬ್ಯಾಂಕ್‌ ಉದ್ಯೋಗಿಗಳು, 3.8 ಲಕ್ಷ ಅಧಿಕಾರಿಗಳು ಇದರ ಪ್ರಯೋಜನ ಪಡೆಯಲಿದ್ದಾರೆ.