E.D: ಚೇಸಿಂಗ್‌ ಬಳಿಕ ಇ.ಡಿ. ಅಧಿಕಾರಿ ಸೆರೆ

ಚೆನ್ನೈ: ವೈದ್ಯರೊಬ್ಬರಿಂದ ಲಂಚ ಪಡೆದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯ (ಇ.ಡಿ.) ಅಧಿಕಾರಿಯನ್ನು ತಮಿಳುನಾಡು ಜಾಗೃತ ದಳ ಮತ್ತು ಭ್ರಷ್ಟಾಚಾರ ವಿರೋಧಿ (ಡಿವಿಎಸಿ) ದಳದ ಅಧಿಕಾರಿಗಳು ಬಂಧಿಸಿದ್ದಾರೆ.

ಒಟ್ಟು ಎಂಟು ಕಿ.ಮೀ. ಅವರನ್ನು ಬೆನ್ನತ್ತಿದ ಬಳಿಕ ಅಂಕಿತ್‌ ತಿವಾರಿ ಎಂಬ ಹೆಸರಿನ ಆ ಅಧಿಕಾರಿಯನ್ನು ವಶಕ್ಕೆ ಪಡೆದು ಬಂಧಿಸಲಾಯಿತು. ದಿಂಡಿಗಲ್‌ನಲ್ಲಿ ವೈದ್ಯರ ನಿವಾಸದಲ್ಲಿಯೇ 20 ಲಕ್ಷ ರೂ. ಲಂಚದ ಹಣದ ಸಮೇತ ಅವರನ್ನು ಬಂಧಿಸಲಾಯಿತು. ಮಧುರೈಗೆ ಅವರನ್ನು ಕರೆತರುತ್ತಿದ್ದಾಗ ವಾಹನದಲ್ಲಿ ಪರಾರಿಯಾದರು. ವೈದ್ಯರ ವಿರುದ್ಧ ದಾಖಲಾಗಿದ್ದ ಅಕ್ರಮ ಸಂಪತ್ತು ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಧಿಕಾರಿ ಲಂಚ ಕೇಳಿದ್ದರು.