ಅಮೃತಸರದ ಸಯಾಮಿ ಅವಳಿಗೆ ಸಿಕ್ಕಿತು ಸರ್ಕಾರಿ ಉದ್ಯೋಗ!

ಚಂಡೀಗಢ: ಸಯಾಮಿ ಅವಳಿ (ಕಂನ್‌ಜಾಯಿನ್ಡ್ ಟ್ವಿನ್ಸ್‌) ಆಗಿ ಜನಿಸಿರುವ ಪಂಜಾಬ್‌ನ ಅಮೃತಸರದ ಸೋನಾ ಮತ್ತು ಮೋನಾರನ್ನು ಪಂಜಾಬ್‌ ರಾಜ್ಯ ವಿದ್ಯುತ್‌ ನಿಗಮದಲ್ಲಿ ಕೆಲಸ ನೀಡಲಾಗಿದೆ.

ಐಟಿಐ-ಡಿಪ್ಲೊಮಾ ಮುಗಿಸಿರುವ ಈ ಜೋಡಿಗೆ ತಿಂಗಳಿಗೆ 20 ಸಾವಿರ ರೂ. ಸಂಬಳ ನಿಗದಿ ಪಡಿಸಲಾಗಿದೆ. ಈ ಅವಳಿಗಳಲ್ಲಿರುವ ಕೌಶಲ್ಯವನ್ನು ಗಮನಿಸಿ ದಿವ್ಯಾಂಗರ ಕೋಟಾದಲ್ಲಿ ಕೆಲಸ ಕೊಟ್ಟಿರುವುದಾಗಿ ಪಿಎಸ್‌ಪಿಸಿಎಲ್‌ ತಿಳಿಸಿದೆ.

ಸೋನಾ-ಮೋನಾ 2003ರಲ್ಲಿ ಜನಿಸಿದವರು. ಅವರಿಬ್ಬರ ದೇಹ ಒಂದೇ ಎನ್ನುವ ಕಾರಣಕ್ಕೆ ಅವರ ತಂದೆ-ತಾಯಿ ಅವರನ್ನು ದೂರ ಮಾಡಿದ್ದರು.

ಇದನ್ನೂ ಓದಿ:ಎರಡು ವರ್ಷ ಕರೆ ವಿವರ ಡಿಲೀಟ್‌ ಮಾಡಬೇಡಿ! ದೂರಸಂಪರ್ಕ ಕಂಪನಿಗಳಿಗೆ ಕೇಂದ್ರ ಸರ್ಕಾರ ಸೂಚನೆ

ಪಿಂಗಲ್ವಾರಾ ಟ್ರಸ್ಟ್‌ ಈ ಮಕ್ಕಳನ್ನು ಸಾಕುತ್ತಿದ್ದು, ಇದೀಗ ಅವರಿಗೆ ಸರ್ಕಾರಿ ಕೆಲಸ ಸಿಕ್ಕಿರುವ ವಿಚಾರದಲ್ಲಿ ಟ್ರಸ್ಟ್‌ ಕೂಡ ಸಂತಸ ವ್ಯಕ್ತಪಡಿಸಿದೆ.