Bihar ಇಡೀ ರಾಷ್ಟ್ರದ ಮೇಲೆ ಹಿಡಿತ ಸಾಧಿಸಲು ಬಿಜೆಪಿ ಬಯಸಿದೆ: ತೇಜಸ್ವಿ ಯಾದವ್

ಪಾಟ್ನಾ: “ಒಂದು ರಾಷ್ಟ್ರ, ಒಂದು ಚುನಾವಣೆ” ವ್ಯವಸ್ಥೆಯ ಮೂಲಕ “ಇಡೀ ರಾಷ್ಟ್ರದ ಮೇಲೆ ಹಿಡಿತ ಸಾಧಿಸಲು ಬಿಜೆಪಿ ಬಯಸುತ್ತಿದೆ ಎಂದು ರಾಷ್ಟ್ರೀಯ ಜನತಾ ದಳ (ಆರ್‌ಜೆಡಿ) ನಾಯಕ ಮತ್ತು ಬಿಹಾರ ಉಪ ಮುಖ್ಯಮಂತ್ರಿ ತೇಜಸ್ವಿ ಯಾದವ್ ಶನಿವಾರ ಆರೋಪಿಸಿದ್ದಾರೆ.

“ಒಂದು ರಾಷ್ಟ್ರ, ಒಂದು ಚುನಾವಣೆಯ ನಂತರ, ಅವರು ಒಂದು ರಾಷ್ಟ್ರ, ಒಂದು ಪಕ್ಷ” ಎಂದು ಹೇಳುತ್ತಾರೆ ಎಂದು ಬಿಜೆಪಿ ವಿರುದ್ಧ ವಾಗ್ದಾಳಿ ನಡೆಸಿದರು.

‘ಒಂದು ರಾಷ್ಟ್ರ, ಒಂದು ಚುನಾವಣೆ’ ಮೊದಲು, ಅವರು ‘ಒಂದು ರಾಷ್ಟ್ರ, ಒಂದು ಆದಾಯ ನೀತಿ’ ರಚಿಸಬೇಕು. ಮೊದಲು, ಜನರಿಗೆ ಆರ್ಥಿಕ ನ್ಯಾಯವನ್ನು ಮಾಡಲಿ. ಬಿಜೆಪಿ ಇಡೀ ರಾಷ್ಟ್ರದ ಮೇಲೆ ಹಿಡಿತ ಸಾಧಿಸಲು ಬಯಸಿದೆ . ನಂತರ, ಅವರು ‘ಒನ್ ನೇಷನ್ ಒನ್ ಲೀಡರ್’, ‘ಒನ್ ನೇಷನ್ ಒನ್ ಪಾರ್ಟಿ’ ಎಂದು ಹೇಳುತ್ತಾರೆ. ಅವರು ಯಾವ ಹಾದಿಯಲ್ಲಿ ಹೋಗುತ್ತಿದ್ದಾರೆ? ‘ಒಂದು ರಾಷ್ಟ್ರ, ಒಂದು ಧರ್ಮ’, ಇದು ನಿಷ್ಪ್ರಯೋಜಕ ಮಾತುಕತೆ ಎಂದು “ಆರ್‌ಜೆಡಿ ನಾಯಕ ಹೇಳಿದರು.

ಸಾರ್ವತ್ರಿಕ ಮತ್ತು ರಾಜ್ಯಗಳ ಚುನಾವಣೆಗಳನ್ನು ಏಕಕಾಲದಲ್ಲಿ ನಡೆಸುವ ಗುರಿಯನ್ನು ಹೊಂದಿರುವ ‘ಒಂದು ರಾಷ್ಟ್ರ ಒಂದು ಚುನಾವಣೆ’ ಸಾಧ್ಯತೆಯನ್ನು ಅನ್ವೇಷಿಸಲು ಕೇಂದ್ರ ಸರ್ಕಾರ ಶುಕ್ರವಾರ ಮಾಜಿ ರಾಷ್ಟ್ರಪತಿ ರಾಮ ನಾಥ್ ಕೋವಿಂದ್ ನೇತೃತ್ವದ ಸಮಿತಿಯನ್ನು ರಚಿಸಿದೆ.

ಸೆ.18 ರಂದು ನಿಗದಿಯಾಗಿರುವ ವಿಶೇಷ ಸಂಸತ್ ಅಧಿವೇಶನವನ್ನು ಉಲ್ಲೇಖಿಸಿದ ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್, ಕೇಂದ್ರ ಸರ್ಕಾರವು ಲೋಕಸಭೆ ಚುನಾವಣೆಯನ್ನು ಮೊದಲೇ ಘೋಷಿಸಬಹುದು ಎಂದು ಹೇಳಿದರು.