LPG Price: ವಾಣಿಜ್ಯ ಗ್ಯಾಸ್‌ ಸಿಲಿಂಡರ್‌ ಬೆಲೆ 158 ರೂ. ಇಳಿಕೆ

ನವದೆಹಲಿ: ವಾಣಿಜ್ಯ ಉಪಯೋಗಕ್ಕಾಗಿ ಬಳಸುವ 19 ಕೆಜಿಯ ಎಲ್‌ಪಿಜಿ ಸಿಲಿಂಡರ್‌ಗಳ ಬೆಲೆಯನ್ನು ಸಾರ್ವಜನಿಕ ವಲಯದ ತೈಲ ಮಾರುಕಟ್ಟೆ ಕಂಪನಿಗಳು (ಓಎಂಸಿಎಸ್‌) ಶುಕ್ರವಾರ 158 ರೂ.ಗಳಷ್ಟು ಕಡಿತಗೊಳಿಸಿವೆ.

ಗೃಹಪಯೋಗಿ ಎಲ್‌ಪಿಜಿ ಅನಿಲ ಸಿಲಿಂಡರ್‌ಗಳ ಬೆಲೆಯನ್ನು 200 ರೂ.ಗಳವರೆಗೆ ಕೇಂದ್ರಸರ್ಕಾರ ಕಡಿತಗೊಳಿಸಿದ ಬೆನ್ನಲ್ಲೇ, ಈ ಬೆಳವಣಿಗೆ ವರದಿಯಾಗಿದೆ.

ಪ್ರಸಕ್ತ ಕಡಿತದೊಂದಿಗೆ ವಾಣಿಜ್ಯ ಎಲ್‌ಪಿಜಿ ಗ್ಯಾಸ್‌ ಸಿಲಿಂಡರ್‌ನ ಬೆಲೆ 1,522 ರೂ.ಗಳಾಗಿದ್ದು, ಪ್ರತಿ ತಿಂಗಳೂ ಬೆಲೆ ಪರಿಷ್ಕರಿಸಲಾಗುತ್ತದೆ. ಆಗಸ್ಟ್‌ನಲ್ಲಿ 99.75 ರೂ.ಗಳಷ್ಟು ಬೆಲೆ ಕಡಿತಗೊಳಿಸಲಾಗಿತ್ತು. ಅದರ ಹಿಂದಿನ ಜುಲೈ ತಿಂಗಳಲ್ಲಿ 7 ರೂ.ಗಳು ಬೆಲೆ ಏರಿಕೆ ಮಾಡಲಾಗಿತ್ತು.