ಕಾರು ಅಪಘಾತ: ಅಫ್ಘನ್‌ ಕೀಪರ್‌ ಅಫ್ಸರ್ ‌ಪಾರು

ಕಾಬೂಲ್‌: ಕಾಬೂಲ್‌ನಲ್ಲಿ ಸಂಭವಿಸಿದ ಕಾರು ಅಪಘಾತವೊಂದರಲ್ಲಿ ಅಫ್ಘಾನಿಸ್ಥಾನ ಕ್ರಿಕೆಟ್‌ ತಂಡದ ವಿಕೆಟ್‌ ಕೀಪರ್‌ ಅಫ್ಸರ್ ‌ ಜಜಾಯ್‌ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಪತ್ರಕರ್ತ, ಅಫ್ಘನ್‌ ತಂಡದ ಮಾಜಿ ಮೀಡಿಯಾ ಮ್ಯಾನೇ ಜರ್‌ ಎಂ. ಇಬ್ರಾಹಿಂ ಮೊಹ ಮ್ಮದ್‌ ಈ ಸುದ್ದಿಯನ್ನು ತಮ್ಮ ಟ್ವಿಟರ್‌ ಖಾತೆಯಲ್ಲಿ ಪ್ರಕಟಿಸಿದ್ದಾರೆ. ಜತೆಗೆ ತಲೆಗೆ ಬ್ಯಾಂಡೇಜ್‌ ಸುತ್ತಿಕೊಂಡ ಅಫ್ಸರ್ ಜಜಾಯ್‌ ಮತ್ತು ಅಪ ಘಾತದಲ್ಲಿ ನಜುಗುಜ್ಜಾದ ಅವರ ಕಾರಿನ ಚಿತ್ರಗಳನ್ನೂ ಪೋಸ್ಟ್‌ ಮಾಡಿದ್ದಾರೆ.

ತಲೆಗೆ ಏಟು
ಅಪಘಾತದಲ್ಲಿ ಅಫ್ಸರ್ ‌ ಜಜಾಯ್‌ ಅವರ ತಲೆಗೆ ಏಟು ಬಿದ್ದಿದೆ. ಅವರು ಶೀಘ್ರ ಚೇತರಿಕೆ ಕಾಣಲಿ ಎಂದು ಇಬ್ರಾಹಿಂ ಮೊಹಮ್ಮದ್‌ ಹಾರೈಸಿದ್ದಾರೆ.26ರ ಹರೆಯದ ಅಫ್ಸರ್ ‌ ಜಜಾಯ್‌ ಹಾಲಿ ಅಫ್ಘನ್‌ ತಂಡದ ವಿಕೆಟ್‌ ಕೀಪರ್‌ ಆಗಿದ್ದು, 3 ಟೆಸ್ಟ್‌, 17 ಏಕದಿನ ಹಾಗೂ ಒಂದು ಟಿ20 ಪಂದ್ಯ ವನ್ನಾಡಿದ್ದಾರೆ.