ಗೂಡ್ಸ್‌ ರೈಲಿನ ಮೇಲೆ ಜಾಹೀರಾತು

ಹೊಸದಿಲ್ಲಿ: ಆದಾಯ ಮೂಲಕ್ಕೆ ಹೊಸ ಹೊಸ ಕ್ರಮಗಳನ್ನು ಹುಡುಕುತ್ತಿರುವ ರೈಲ್ವೆ ಮಂಡಳಿ ಇದೇ ಮೊದಲ ಬಾರಿಗೆ ಸರಕು ಸಾಗಣೆ ರೈಲಿನ ಮೇಲೆ ಜಾಹೀರಾತು ಪ್ರದರ್ಶಿಸಲು ನಿರ್ಧರಿಸಲಾಗಿದೆ. ಆಗ್ನೇಯ ರೈಲ್ವೆ ಮಂಡಳಿ ಈಗಾಗಲೇ ದಾಲಿ¾ಯಾ ಸಿಮೆಂಟ್‌ ಕಂಪೆನಿಗೆ ಜಾಹೀರಾತು ಪ್ರದರ್ಶಿಸಲು ಟೆಂಡರ್‌ ನೀಡಿದೆ. 300 ವ್ಯಾಗನ್‌ಗಳ ಮೇಲೆ ದಾಲಿ¾ಯಾ ಸಿಮೆಂಟ್‌ ಜಾಹೀರಾತು ಪ್ರದರ್ಶಿಸಲಾಗುತ್ತದೆ.

ಇದರೊಂದಿಗೆ ಜಾರ್ಖಂಡದ ಜೆಮ್‌ಷೆಡ್‌ಪುರದಿಂದ ಪಶ್ಚಿಮ ಬಂಗಾಲದ ಹೌರಾವರೆಗೆ ತೆರಳುವ ಸ್ಟೀಲ್‌ ಎಕ್ಸ್‌ಪ್ರೆಸ್‌ ಪ್ರಯಾಣಿಕ ರೈಲಿನ ಮೇಲೂ ಜಾಹೀರಾತು ಪ್ರದರ್ಶಿಸಲು ಟೆಂಡರ್‌ ನೀಡಲಾಗಿದೆ. ಹಲವು ಕಾಲದಿಂದಲೂ ಟಿಕೆಟ್‌ನಿಂದ ಹೊರತಾದ ಆದಾಯ ಮೂಲಕ್ಕೆ ರೈಲ್ವೆ ಇಲಾಖೆ ಯತ್ನಿಸುತ್ತಲೇ ಇದೆ. ಆದರೆ ಈವರೆಗೂ ಯಾವುದೇ ಯೋಜನೆ ಪೂರ್ಣ ಪ್ರಮಾಣದಲ್ಲಿ ಕಾರ್ಯಗತವಾಗಿಲ್ಲ. ಅಷ್ಟಾಗಿಯೂ ವಿವಿಧ ಮೂಲಗಳಿಂದ 2018-19ನೇ ಸಾಲಿನಲ್ಲಿ 223 ಕೋಟಿ ರೂ. ಟಿಕೆಟ್‌ ಹೊರತಾದ ಮೂಲದಿಂದ ರೈಲ್ವೆ ಆದಾಯ ಗಳಿಸಿದೆ.