ಬಹುನಿರೀಕ್ಷಿತ “ಆದಿಪುರುಷ’ಸಿನಿಮಾ; ರಾವಣನ ಗಡ್ಡ ವಿವಾದಕ್ಕೆ ಕೊನೆ?

ನವದೆಹಲಿ: ಬಹುನಿರೀಕ್ಷಿತ “ಆದಿಪುರುಷ’ ಸಿನಿಮಾದಲ್ಲಿ ರಾವಣನ ಪಾತ್ರಧಾರಿ ಸೈಫ್ ಅಲಿಖಾನ್‌ ಮುಖದಲ್ಲಿರುವ ಗಡ್ಡ ತೆಗೆಯುವ ಸಾಧ್ಯತೆ ಇದೆ. ಈ ಬಗ್ಗೆ ಜಾಲತಾಣಗಳಲ್ಲಿ ಆಕ್ರೋಶ ವ್ಯಕ್ತವಾಗಿರುವುದರಿಂದ ಸಿನಿಮಾ ತಂಡ ಈ ನಿರ್ಧಾರಕ್ಕೆ ಬಂದಿದೆ.

ಡಿಜಿಟಲ್‌ ತಂತ್ರಜ್ಞಾನ ಬಳಸಿಕೊಂಡು ಗಡ್ಡವನ್ನು ಅಳಿಸಲು ತೀರ್ಮಾನಿಸಲಾಗಿದೆ.ಅದಕ್ಕೆ ಹೆಚ್ಚುವರಿ 30 ಕೋಟಿ ರೂ. ವೆಚ್ಚವಾಗುತ್ತದೆ! ವಸ್ತುಸ್ಥಿತಿಯಲ್ಲಿ ಸಿನಿಮಾ 2023ರ ಜ.12ರಂದು ಬಿಡುಗಡೆಯಾಗಬೇಕಿತ್ತು. ಈಗದು 2023ಜೂ.16ಕ್ಕೆ ಬಿಡುಗಡೆಯಾಗಲಿದೆ.

ರಾಮಾಯಣವನ್ನು ಆಧಾರವಾಗಿಟ್ಟುಕೊಂಡು ತಂದಿರುವ ಈ ಸಿನಿಮಾದ ನಾಯಕ ಪಾತ್ರದಲ್ಲಿ ಬಾಹುಬಲಿ ಖ್ಯಾತಿಯ ಪ್ರಭಾಸ್‌ ನಟಿಸುತ್ತಿದ್ದಾರೆ.