ಅದಾನಿ ಎಂಟರ್‌ಪ್ರೈಸೆಸ್‌ ಲಿಮಿಟೆಡ್‌ ಆದಾಯ ಶೇ.42 ಹೆಚ್ಚಳ

ಅದಾನಿ ಎಂಟರ್‌ಪ್ರೈಸೆಸ್‌ ಲಿಮಿಟೆಡ್‌ ಆದಾಯ ಶೇ.42ರಷ್ಟು ಏರಿಕೆ ದಾಖಲಿಸಿದ್ದು, ಸಂಸ್ಥೆಯ ನಿವ್ವಳ ಲಾಭವೂ ಹೆಚ್ಚಾಗಿದೆ ಎಂದು ಸಂಸ್ಥೆ ತಿಳಿಸಿದೆ.

2022-23ನೇ ಸಾಲಿನ 3ನೇ ತ್ತೈಮಾಸಿಕದ ವರದಿಯನ್ನು ಬಿಡುಗಡೆಗೊಳಿಸಿದೆ.

ಅದರಂತೆ 3ನೇ ತ್ತೈಮಾಸಿಕದಲ್ಲಿ 820 ಕೋಟಿ ರೂ.ಗಳ ನಿವ್ವಳ ಲಾಭ ದಾಖಲಾಗಿದೆ. 2ನೇ ತ್ತೈಮಾಸಿಕದಲ್ಲಿ ನಿವ್ವಳ ಲಾಭ 460 ಕೋಟಿ ರೂ.ಗಳಾಗಿತ್ತು. ಇನ್ನು ಗಳಿಕೆ ಘೋಷಣೆಯ ಬಳಿಕ ಷೇರುಗಳು ಕೂಡ ಶೇ.3ರಷ್ಟು ಹೆಚ್ಚಾಗಿದ್ದು, ಬಿಎಸ್‌ಇನಲ್ಲಿ ಮಂಗಳವಾರ ಮಧ್ಯಾಹ್ನ ಬಳಿಕ 1,791ರೂ.ಗಳಂತೆ ವಹಿವಾಟು ನಡೆದಿದೆ.

ಇನ್ನು ಸಂಸ್ಥೆಯ ಕಾರ್ಯಾಚರಣೆಗಳಿಂದ ಸಂಸ್ಥೆ ಆದಾಯ 26,612 ಕೋಟಿ ರೂ.ಗಳಿಗೆ ತಲುಪಿದ್ದು, 21-22ರ ಅವಧಿಯ ತ್ತೈಮಾಸಿಕದಲ್ಲಿ ಆದಾಯ ಮೌಲ್ಯ 18,758 ಕೋಟಿ ರೂ.ಗಳಾಗಿತ್ತು ಈ ಎರಡೂ ಮೌಲ್ಯಗಳನ್ನು ಹೋಲಿಸಿದರೆ, ಈ ತ್ತೈಮಾಸಿಕದಲ್ಲಿ ಶೇ.42ರಷ್ಟು ಆದಾಯ ಹೆಚ್ಚಳವಾಗಿದೆ.