ಟಿಕ್‌-ಟಾಕ್‌ ಟ್ರೋಲಿಗರಿಂದ ನಟಿಗೆ ಕಿರುಕುಳ

ಬೆಂಗಳೂರು: ತಮ್ಮ ವಸ್ತ್ರದ ಬಗ್ಗೆ ಅಶ್ಲೀಲವಾಗಿ ಪೋಸ್ಟ್‌ ಮಾಡುತ್ತಿರುವ ಟಿಕ್‌-ಟಾಕ್‌ ಕಿಡಿಗೇಡಿಗಳ ವಿರುದ್ಧ ನಟಿ ಯೊಬ್ಬರು ಉತ್ತರ ವಿಭಾಗದ ಸಿಇಎನ್‌ ಠಾಣೆಯಲ್ಲಿ ಪ್ರಕ ರಣ ದಾಖಲಿಸಿದ್ದಾರೆ. ಸಿನಿಮಾ ನಟಿ ಭೂಮಿಕಾ ಎಂಬುವರು ನೀಡಿದ ದೂರಿನ ಮೇರೆಗೆ ಕೆಲ ಟಿಕ್‌-ಟಾಕ್‌ ಟ್ರೋಲ್‌ಗ‌ಳ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದು ವರಿಸಲಾಗಿದೆ ಎಂದು ಸಿಇಎನ್‌ ಪೊಲೀಸರು ಹೇಳಿದರು. ನಂದಿನಿ ಲೇಔಟ್‌ನ ಭೂಮಿಕಾ 2005ರಿಂದ ಸಿನಿಮಾ ಕ್ಷೇತ್ರ ದಲ್ಲಿ ಕೆಲಸ ಮಾಡುತ್ತಿದ್ದು, ಕನ್ನಡ, ತುಳು ಮತ್ತು ತಮಿಳು ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಈ ಮಧ್ಯೆ ಕೆಲ ದಿನಗಳಿಂದ ಟಿಕ್‌-ಟಾಕ್‌ ಟ್ರೋಲಿಗರು, ನಟಿಯ ಉಡುಗೆ-ತೊಡುಗೆ ಕುರಿತು ಅಶ್ಲೀಲವಾಗಿ ಕಮೆಂಟ್‌ ಮಾಡುತ್ತಿದ್ದಲ್ಲದೆ, ಅವಾಚ್ಯ ಶಬ್ದಗಳಿಂದ ನಿಂದಿಸುತ್ತಿದ್ದಾರೆ. ಅನಿಮೆಟೆಡ್‌ ಚಿತ್ರ ಸೃಷ್ಟಿಸಿ ಕಿರು ಕುಳ ನೀಡುತ್ತಿದ್ದಾರೆ. ಹೀಗಾಗಿ ಅಂತಹ ಕಿಡಿಗೇಡಿಗಳ ವಿರುದ್ಧ ಕ್ರಮಕ್ಕೆ ಭೂಮಿಕಾ ಪ್ರಕರಣ ದಾಖಲಿಸಿದ್ದು, ಕೆಲ ಟಿಕ್‌- ಟಾಕ್‌ ಖಾತೆದಾರರನ್ನು ಪತ್ತೆ ಹಚ್ಚಲಾಗಿದೆ. ವಿಚಾರಣೆ ನಡೆಸ ಲಾಗುವುದು ಎಂದು ಸಿಇಎಲ್‌ ಪೊಲೀಸರು ಹೇಳಿದರು.