RuPay card: ರುಪೇ ಕಾರ್ಡ್‌ ವಿತರಣೆಗೆ ಕ್ರಮ: ಶಾಲಿನಿ ರಜನೀಶ್‌

ಬೆಂಗಳೂರು: ಎಲ್ಲ ಅರ್ಹ ಗ್ರಾಹಕರಿಗೂ ರುಪೇ ಕಾರ್ಡ್‌ ಸಿಗುವಂತಾಗಬೇಕು. ಸರಕಾರ ವಿತರಿಸುವ ಸಹಾಯಧನ ಹಾಗೂ ಪ್ರೋತ್ಸಾಹಧನಗಳು ನೇರವಾಗಿ ಫ‌ಲಾನುಭವಿಗಳಿಗೆ ಸಿಗಲಿವೆ. ಅಲ್ಲದೆ, ಈ ಕಾರ್ಡ್‌ನಿಂದಾಗಿ 2 ಲಕ್ಷ ರೂ.ಗಳ ವಿಮಾ ಸೌಲಭ್ಯವೂ ಸಿಗಲಿದೆ ಎಂದು ಅಭಿವೃದ್ಧಿ ಆಯುಕ್ತೆ ಶಾಲಿನಿ ರಜನೀಶ್‌ ಹೇಳಿದರು.

ರಾಜ್ಯ ಮಟ್ಟದ ಬ್ಯಾಂಕರುಗಳ ಸಮಿತಿ (ಎಸ್‌ಎಲ್‌ಬಿಸಿ) ಸಭೆಯಲ್ಲಿ ಮಾತನಾಡಿ. ಫ್ರೂಟ್ಸ್‌ ಇ-ಸಾಲ ಸಾಫ್ಟ್ವೇರ್‌ನೊಂದಿಗೆ ಎಲ್ಲ ರೈತರ ಆಧಾರ್‌ ಸಂಖ್ಯೆಯನ್ನು ವಿಲೀನಗೊಳಿಸಬೇಕಾಗಿದೆ. ಅದಕ್ಕಾಗಿ ಎಲ್ಲ ಬ್ಯಾಂಕ್‌ಗಳೂ ತಮ್ಮ ಬಳಿಯಿರುವ ಮಾಹಿತಿಯನ್ನು ಇ-ಆಡಳಿತ ಇಲಾಖೆಗೆ ಸಲ್ಲಿಸಬೇಕೆಂದು ಎಲ್ಲ ಇಲಾಖೆಗಳ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿಗಳು, ಜಿಲ್ಲಾಧಿಕಾರಿಗಳು ಮನವಿ ಮಾಡಿದ್ದಾರೆ ಎಂದರು.

ಡಿ. 31ರ ವರೆಗೆ ಮನೆ-ಮನೆಗೆ ಕೆಸಿಸಿ ಅಭಿಯಾನ
ವರ್ಷಾಂತ್ಯದ ವರೆಗೆ ರೈತರಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಕಿಸಾನ್‌ ಕ್ರೆಡಿಟ್‌ ಕಾರ್ಡ್‌ ನೀಡಲು ಅಭಿಯಾನ ಕೈಗೊಳ್ಳಲಾಗುತ್ತದೆ ಎಂದು ಕೆನರಾ ಬ್ಯಾಂಕ್‌ ಕಾರ್ಯಕಾರಿ ನಿರ್ದೇಶಕ ಹದೀìಪ್‌ ಸಿಂಗ್‌ ಅಹ್ಲುವಾಲಿಯಾ ಮಾಹಿತಿ ನೀಡಿದ್ದಾರೆ.