ತೊಕ್ಕೊಟ್ಟು:ಲಾರಿ ಹರಿದು ಸ್ಕೂಟರ್‌ ಸವಾರ ದಾರುಣ ಸಾವು

ಉಳ್ಳಾಲ:ಇಲ್ಲಿನ ತೊಕ್ಕೊಟ್ಟು ಜಂಕ್ಷನ್ ಬಳಿ ಲಾರಿಯಡಿ ಸಿಲುಕಿ ಬೈಕ್ ಸವಾರ ದಾರುಣವಾಗಿ ಸಾವನ್ನಪ್ಪಿದ ಘಟನೆ ಗುರುವಾರ ಬೆಳಗ್ಗೆ ನಡೆದಿದೆ. 

ಮೃತ ಯುವಕ ಕೆ.ಸಿ ರೋಡ್ ನಿವಾಸಿ ಸಲೀಂ(30) ಎಂದು ಗುರುತಿಸಲಾಗಿದ್ದು,  ಸ್ಕೂಟರ್‌ನಲ್ಲಿ 2 ಪ್ಯಾಕೆಟ್ ಗಾಂಜಾ ಪತ್ತೆಯಾಗಿದ್ದು, ಉಳ್ಳಾಲ ಠಾಣಾ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.

ಮಂಗಳೂರಿನಿಂದ ತಲಪಾಡಿ ಕಡೆಗೆ ತೆರಳುವ ಲಾರಿಯ ಹಿಂಭಾಗದಿಂದ ಬರುತ್ತಿದ್ದ ಬೈಕ್ ಸವಾರ ಆಯತಪ್ಪಿ ಲಾರಿ ಹಿಂದುಗಡೆ ಚಕ್ರಕ್ಕೆ ಸಿಲುಕಿ ದಾರುಣವಾಗಿ ಸಾವನ್ನಪ್ಪಿರುವುದಾಗಿ ವರದಿಯಾಗಿದೆ. 

 ಬೈಕ್ ಸವಾರ ಹೆಲ್ಮೆಟ್ ಧರಿಸಿದ್ದರೂ, ಲಾರಿಯಡಿ ಸಿಲುಕಿ ತಲೆಯ ಜತೆಗೆ ಹೆಲ್ಮೆಟ್ ಕೂಡಾ ಸಂಪೂರ್ಣ ನಜ್ಜುಗುಜ್ಜಾಗಿದೆ.

ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ.