Mangaluru: ಮಹಿಳೆಯ ಮನೆಗೆ ಬಂದು ಯುವಕನಿಂದ ನಿಂದನೆ; ದೂರು

ಮಂಗಳೂರು: ಅನ್ಯ ಕೋಮಿನ ಯುವಕ ಕುಲ ಶೇಖರದ ಮನೆಗೆ ಬಂದು ಮಹಿಳೆಯರ ಜತೆ ಅಸಭ್ಯವಾಗಿ ವರ್ತಿಸಿದ ಘಟನೆ ಶುಕ್ರವಾರ ನಡೆದಿದೆ. ಶಿವಮೊಗ್ಗದ ಸಯ್ಯದ್‌ ನಹೀಂ (25) ಪ್ರಕರಣದ ಆರೋಪಿ.

ಈತ ಮಹಿಳೆ ಹಾಗೂ ಅವರ ಸಹೋದರಿಯ ಮಗಳೊಂದಿಗೆ ಅಸಭ್ಯವಾಗಿ ವರ್ತಿಸಿ ಅವಾಚ್ಯವಾಗಿ ನಿಂದಿಸಿದ್ದಾನೆ. ಈ ವೇಳೆ ಸಾರ್ವಜನಿಕರು ಸ್ಥಳದಲ್ಲಿ ಜಮಾಯಿಸಿದ್ದರು. ಪೊಲೀಸರು ಆರೋಪಿಯನ್ನು ಕರೆದೊಯ್ದು ಪ್ರಕರಣ ದಾಖಲಿಸಿದ್ದಾರೆ.

ಆರೋಪಿ ನಹೀಂಗೆ ವರ್ಷದ ಹಿಂದೆ ಮಹಿಳೆಯ ಪರಿಚಯವಾಗಿದ್ದು, ಶುಕ್ರವಾರ ಮಂಗಳೂರಿಗೆ ಬಂದಿದ್ದವ ಮಹಿಳೆಯ ಮನೆಗೆ ಬಂದಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.