ಗೈರಾದ ಆಪ್‌ ಶಾಸಕ ನ್ಯಾಯಾಂಗ ವಶಕ್ಕೆ

ಹೊಸದಿಲ್ಲಿ: ಸಾರ್ವಜನಿಕ ಆಸ್ತಿಪಾಸ್ತಿಯನ್ನು ವಿರೂಪಗೊಳಿಸಿದ ಪ್ರಕರಣ ಸಂಬಂಧ ಕೋರ್ಟ್‌ ಸಮನ್ಸ್‌ ಕಡೆಗಣಿಸಿದ ಆರೋಪಕ್ಕಾಗಿ ದಿಲ್ಲಿ ಆಪ್‌ ಶಾಸಕ ಸುರೇಂದರ್‌ ಅವರನ್ನು ನ್ಯಾಯಾಂಗ ವಶಕ್ಕೆ ಒಪ್ಪಿಸಲಾಗಿದೆ. ನ್ಯಾಯಾಲಯ ಹಲವು ಬಾರಿ ಸಮನ್ಸ್‌ ಕಳುಹಿಸಿದ್ದರೂ ಗೈರು ಹಾಜರಾಗುತ್ತಿದ್ದ ಹಿನ್ನೆಲೆಯಲ್ಲಿ ಕಸ್ಟಡಿಗೆ ಪಡೆಯುವಂತೆ ಮೆಟ್ರೋಪಾಲಿಟನ್‌ ನ್ಯಾಯಾಲಯ ಆದೇಶಿಸಿತ್ತು. ಪೋಸ್ಟರ್‌ ಮತ್ತು ನಾಮಫ‌ಲಕ ಹಾಕಿ ಸಾರ್ವಜನಿಕ ಪ್ರದೇಶ ವಿರೂಪಗೊಳಿಸಿದ್ದಕ್ಕಾಗಿ ಪ್ರಕರಣ ದಾಖಲಿಸಲಾಗಿತ್ತು.