ಉಪವಾಸನಿರತ ದಿಲ್ಲಿ ಡಿಸಿಎಂ ಮನೀಶ್‌ ಸಿಸೋಡಿಯ ಅಸ್ಪತ್ರೆಗೆ

ಹೊಸದಿಲ್ಲಿ : ದಿಲ್ಲಿ ಲೆಫ್ಟಿನೆಂಟ್‌ ಗವರ್ನರ್‌ ಅನಿಲ್‌ ಬೈಜಾಲ್‌ ಅವರ ಕಚೇರಿಯಲ್ಲಿ  ಉಪವಾಸ ಸತ್ಯಾಗ್ರಹ ನಿರತರಾಗಿರುವವರ ಪೈಕಿ ದಿಲ್ಲಿ ಆರೋಗ್ಯ ಸಚಿವ ಸತ್ಯೇಂದ್ರ ಜೈನ್‌ ಅವರು ಅಸ್ವಸ್ಥರಾಗಿ ಆಸ್ಪತ್ರೆಗೆ ಸೇರಿದ ಮರುದಿನವೇ ಆಪ್‌ ಸರಕಾರದ ಉಪ ಮುಖ್ಯಮಂತ್ರಿ ಮನೀಶ್‌ ಸಿಸೋಡಿಯ ಅವರು ಇಂದು ಅನಾರೋಗ್ಯಕ್ಕೆ ಗುರಿಯಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. 

ಭಾನುವಾರ 6.4 ಇದ್ದ ಸಿಸೋಡಿಯ ಅವರ ಕಿಟೋನ್‌ ಮಟ್ಟ ಇಂದು ಸೋಮವಾರ 7.4ಕ್ಕೆ ಏರಿದ ಪರಿಣಾಮವಾಗಿ ಅಸ್ವಸ್ಥರಾದ ಅವರನ್ನು ವೈದ್ಯರ ತಂಡ ಪರೀಕ್ಷಿಸಿದ ಬಳಿಕ ಆಸ್ಪತ್ರೆಗೆ ದಾಖಲಿಸಲಾಯಿತು ಎಂದು ಆಮ್‌ ಆದ್ಮಿ ಪಕ್ಷದ ಪೌರ ಸಂವಹನ ತಂಡದ ಮುಖ್ಯಸ್ಥ ಅಮಿತ್‌ ಮಿಶ್ರಾ ಅವರು ಟ್ವಿಟರ್‌ನಲ್ಲಿ ತಿಳಿಸಿದರು. ಈ ಮಾಹಿತಿಯನ್ನು ದಿಲ್ಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್‌ ದೃಢೀಕರಿಸಿದರು.