Bus ನಿಲ್ಲಿಸದ್ದಕ್ಕೆ ಕಂಡಕ್ಟರ್‌ ಮೇಲೆ ಹಾವು ಎಸೆದ ಮಹಿಳೆ!

ಹೈದರಾಬಾದ್‌: ಕುಡಿದ ಅಮಲಿನಲ್ಲಿದ್ದ ಮಹಿಳೆಯೊಬ್ಬರು ಬಸ್ಸೊಂದರ ಗಾಜು ಒಡೆದದ್ದಲ್ಲದೇ, ಕಂಡಕ್ಟರ್‌ ಮೇಲೆ ಹಾವು ಎಸೆದ ಘಟನೆ ಹೈದರಾಬಾದ್‌ನಲ್ಲಿ ನಡೆದಿದೆ. ಬಸ್‌ ನಿಲ್ಲಿಸಲಿಲ್ಲ ಎಂಬ ಕಾರಣಕ್ಕೆ ಮದ್ಯದ ಬಾಟಲಿ ಎಸೆದು ಹಿಂಭಾಗದ ಗಾಜು ಒಡೆದದ್ದಲ್ಲದೇ ಈ ಕುರಿತು ಪ್ರಶ್ನಿಸಿದ ಬಸ್‌ ಕಂಡಕ್ಟರ್‌ ಮೇಲೆ ತನ್ನ ಬ್ಯಾಗಿನ ಲ್ಲಿದ್ದ ಹಾವು ಎಸೆದಿದ್ದಾಳೆ. ಕಂಡಕ್ಟರ್‌ ಬಚಾವಾಗಿದ್ದು, ಮಹಿಳೆಯನ್ನು ಬಂಧಿಸಲಾಗಿದೆ. ಮಹಿಳೆಯ ಪತಿ ಹಾವು ಹಿಡಿಯುವ ಕಾಯಕ ಮಾಡಿಕೊಂಡಿದ್ದು, ನಾಗರಪಂಚಮಿ ಪ್ರಯುಕ್ತ ಹಾವನ್ನು ತನ್ನೊಂದಿಗೆ ಒಯ್ಯುತ್ತಿದ್ದಳು ಎನ್ನಲಾಗಿದೆ.