Madhya Pradesh: ಹೋರಾಟದಲ್ಲಿ ಜೀವ ಕಳೆದುಕೊಂಡ ಹುಲಿ

ಉಮಾರಿಯಾ: ಎರಡು ಹುಲಿಗಳ ನಡುವೆ ನಡೆದ ಜಗಳದಲ್ಲಿ ಎರಡು ವರ್ಷದ ಹೆಣ್ಣು ಹುಲಿ ಮೃತಪಟ್ಟಿರುವ ಘಟನೆ ಮಧ್ಯಪ್ರದೇಶದ ಉಮಾರಿಯಾ ಜಿಲ್ಲೆಯ ಬಾಂಧವಗಢ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ನಡೆದಿದೆ. ಗಂಡು ಹುಲಿ ಮತ್ತು ಹೆಣ್ಣು ಹುಲಿ ನಡುವೆ ಜಗಳವಾಗಿದೆ.

ಈ ವೇಳೆ ದಾಳಿಯಲ್ಲಿ ಹೆಣ್ಣು ಹುಲಿಯ ಕುತ್ತಿಗೆ ಮುರಿದು, ಅದು ಮೃತಪಟ್ಟಿದೆ. ಅರಣ್ಯ ಸಿಬ್ಬಂದಿ ಹೆಣ್ಣು ಹುಲಿಯ ಮೃತದೇಹವನ್ನು ಪತ್ತೆಹಚ್ಚಿದ್ದಾರೆ. ಮೃತದೇಹದ ಮೇಲೆ ಹುಲಿಯ ಉಗರುಗಳಿಂದ ಆದ ಗಾಯಗಳು ಕೂಡ ಗೋಚರಿಸಿವೆ ಎಂದು ಅರಣ್ಯ ಇಲಾಖೆ ಅಧಿಕಾರಿಗಳು ದೃಢಪಡಿಸಿದ್ದಾರೆ.