ಹೊಂಡಕ್ಕೆ ತಾತ್ಕಾಲಿಕ ತಡೆಬೇಲಿ

ಪುತ್ತೂರು: ಎಪಿಎಂಸಿ ಸಂಪರ್ಕ ರಸ್ತೆಯಲ್ಲಿನ ಆದರ್ಶ ಆಸ್ಪತ್ರೆ ಬಳಿ ಕಳೆದ ವರ್ಷ ವಿಸ್ತರಣೆ ಮಾಡಿದ ಮೋರಿಯ ಬಳಿ ನಗರಸಭೆ ಅಧಿಕಾರಿಗಳು ಮುನ್ನೆಚ್ಚರಿಕೆಯ ತಡೆಬೇಲಿ ಅಳವಡಿಸಿದ್ದಾರೆ.

ಮೋರಿ ರಸ್ತೆಯ ಭಾಗದಲ್ಲಿ ಕುಸಿದ ಹಿನ್ನೆಲೆಯಲ್ಲಿ ಮಳೆನೀರು ಹರಿದು ಹೋಗುತ್ತಿರಲಿಲ್ಲ. ಇದಕ್ಕಾಗಿ ಮೋರಿಯನ್ನು ನಗರಸಭೆ ಅಗಲಗೊಳಿಸಿತ್ತು. ಆದರೆ ವಾಹನ ಸಂಚಾರದ ವೇಳೆ ಅಪಾಯ ಸಂಭವಿಸುವ ಸಾಧ್ಯತೆ ಕುರಿತು ಸ್ಥಳೀಯರೊಬ್ಬರು ಪೌರಾಯುಕ್ತರಿಗೆ ದೂರು ನೀಡಿದ್ದರು. ಅಪಾಯದ ಸ್ಥಿತಿಯ ಕುರಿತು ‘ಉದಯವಾಣಿ’ ಸುದಿನದಲ್ಲೂ ಸಚಿತ್ರ ವರದಿ ಪ್ರಕಟಿಸಲಾಗಿತ್ತು.