ಇಂದು ಪ್ರಿನ್ಸ್‌ ಹ್ಯಾರಿ –ರಾಣಿ ಮುಖಾಮುಖಿ

ಲಂಡನ್‌: ಬ್ರಿಟನ್‌ನ ಅರಸೊತ್ತಿಗೆಯ ಸ್ಥಾನಮಾನ ತೊರೆಯುವುದಾಗಿ ಘೋಷಿಸಿ ಅಚ್ಚರಿಗೀಡು ಮಾಡಿರುವ ಪ್ರಿನ್ಸ್‌ ಹ್ಯಾರಿ ಮತ್ತು ಮೇಘನ್‌ ಮರ್ಕೆಲ್‌ ದಂಪತಿಯು ಸೋಮವಾರ ರಾಣಿ ಎರಡನೇ ಎಲಿಜಬೆತ್‌ಗೆ ಮುಖಾಮುಖಿಯಾಗುವ ಸಾಧ್ಯತೆಯಿದೆ. ಅರಮನೆಯ ಬೆಳವಣಿಗೆ ಹಿನ್ನೆಲೆಯಲ್ಲಿ ರಾಣಿಯು ಪ್ರಮುಖರೊಂದಿಗೆ ತುರ್ತು ಸಭೆ ಕರೆದಿದ್ದಾರೆ.

ನಾರ್‌ಫ್ಲಾಕ್‌ನಲ್ಲಿನ ಸ್ಯಾಂಡ್ರಿಂಗ್‌ಹ್ಯಾಂ ಎಸ್ಟೇಟ್‌ನಲ್ಲಿ ಈ ಸಭೆ ನಡೆಯಲಿದ್ದು, ಇದಕ್ಕೆ ಹ್ಯಾರಿ ದಂಪತಿ, ಪ್ರಿನ್ಸ್‌ ವಿಲಿಯಮ್ಸ್‌ – ಕೇಟ್‌ ದಂಪತಿ, ಚಾರ್ಲ್ಸ್‌ ಮತ್ತಿತರನ್ನು ಆಹ್ವಾನಿಸಲಾಗಿದೆ. ಹ್ಯಾರಿ – ಮೇಘನ್‌ ವಿಚಾರದಲ್ಲಿ ಯಾವ ಕ್ರಮ ಕೈಗೊಳ್ಳಬಹುದು ಎಂಬ ಬಗ್ಗೆ ಚರ್ಚೆ ನಡೆಯಲಿದೆ. ಮೇಘನ್‌ ಕೆನಡಾದಲ್ಲಿರುವ ಕಾರಣ ಫೋನ್‌ ಮೂಲಕ ಚರ್ಚೆಯಲ್ಲಿ ಪಾಲ್ಗೊಳ್ಳಬಹುದು ಎನ್ನಲಾಗಿದೆ.