Bandipur: ಸಫಾರಿಯಲ್ಲಿ ಪ್ರವಾಸಿಗರ ಮುಂದೆಯೇ ಜಿಂಕೆ ಬೇಟೆಯಾಡಿದ ಚಿರತೆ

ಗುಂಡ್ಲುಪೇಟೆ: ಪ್ರವಾಸಿಗರ ಮುಂದೆಯೇ ಚಿರತೆಯೊಂದು ಜಿಂಕೆಯನ್ನು ಬೇಟೆಯಾಡಿರುವುದು ತಾಲೂಕಿನ ಬಂಡೀಪುರ ಅಭಯಾರಣ್ಯದ ಸಫಾರಿಯಲ್ಲಿ ನಡೆದಿದ್ದು ಈ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಸಫಾರಿ ವಲಯದಲ್ಲಿ ಜಿಂಕೆಯನ್ನು ಅಟ್ಟಾಡಿಸಿ ಬೇಟೆಯಾಡಿದ ಚಿರತೆ, ಬಳಿಕ ಜಿಂಕೆಯನ್ನು ಹೊತ್ತು ಮರವೊಂದನ್ನು ಏರಿ ಭಕ್ಷಿಸಿ ಹಸಿವು ನೀಗಿಸಿಕೊಂಡಿದೆ.

ಬೇಟೆಯ ದೃಶ್ಯ ಕಂಡ ಪ್ರವಾಸಿಗರು ರೋಮಾಂಚಿತರಾಗಿದ್ದಾರೆ. ಚಿರತೆ ಇರುವಿಕೆಯನ್ನು ಜಿಂಕೆ ಗಮನಿಸದಿದ್ದು ಚಿರತೆ ಶರವೇಗದಲ್ಲಿ ಪ್ರವಾಸಿಗರ ಮುಂದೆಯೇ ದಾಳಿ ನಡೆಸಿದೆ.