Advertisement
ಜಗತ್ತು ಆಧುನಿಕತೆಗೆ ತೆರೆದುಕೊಂಡಂತೆ ಮತ್ತು ತಂತ್ರಜ್ಞಾನ ಕ್ಷೇತ್ರ ಅಭಿವೃದ್ಧಿ ಹೊಂದುತ್ತಿದ್ದಂತೆ ಇಡೀ ವಿಶ್ವವೇ ಸ್ಮಾರ್ಟ್‌ ಆಗುವತ್ತ ದಾಪುಗಾಲಿಡುತ್ತದೆ. ಮಾನವನ ದಿನನಿತ್ಯದ ಆವಶ್ಯದ ಸರಕುಗಳೂ ಸ್ಮಾರ್ಟ್‌ ಟಚಪ್‌ ಪಡೆದುಕೊಂಡು ಮನೆ ಸೇರಿವೆ. ಆವಶ್ಯಕತೆಗಳ ಬೇಡಿಕೆ ಹೆಚ್ಚಿದಂತೆಲ್ಲ ತಂತ್ರಜ್ಞಾನ ಲೋಕದಿಂದ ಪೂರೈಕೆಯೂ ಹೆಚ್ಚು ಒಂದು ರೀತಿಯಲ್ಲಿ ಮಾನವನಿಗೆ ಪೂರಕವಾದುದನ್ನೇ ಸೃಷ್ಟಿಸಿಕೊಟ್ಟರೆ, ಇನ್ನೊಂದೆಡೆ ಮನುಷ್ಯನನ್ನು ವಿಲಾಸಿಯನ್ನಾಗಿಸಿದೆ. ಜತೆಗೆ ಆಲಸಿಯನ್ನಾಗಿಯೂ ಮಾಡಿದೆ.
ಸ್ಮಾರ್ಟ್‌ ಲೋಕದಲ್ಲಿ ಒಂದಾ ಎರಡಾ? ಸಾಲು ಸಾಲು ಸರಕುಗಳು ಸ್ಮಾರ್ಟ್‌ನೆಸ್‌ನ ಕಳೆ ಬೀರಿ ಮನೆಯೊಳಗೆ ಹೊಸ ಕಳೆ ಸೃಷ್ಟಿಸುತ್ತಿವೆ. ಸ್ಮಾರ್ಟ್‌ಫೋನ್‌, ಸ್ಮಾರ್ಟ್‌ ಟಿವಿ, ಸ್ಮಾರ್ಟ್‌ ಪ್ಲಗ್‌, ಸ್ಮಾರ್ಟ್‌ ಲೈಟ್‌, ಸ್ಮಾರ್ಟ್‌ ಸ್ಪೀಕರ್‌, ಸ್ಮಾರ್ಟ್‌ ಡಿಸ್‌ಪ್ಲೇ… ಹೀಗೆ ಎಲ್ಲವೂ ಸ್ಮಾರ್ಟ್‌ ಆಗಿ ಮನುಷ್ಯನ ಕೆಲಸವನ್ನು ಕಡಿಮೆ ಮಾಡುತ್ತಿವೆ. ಹೆಚ್ಚು ಮಂಜನೆ, ಹೆಚ್ಚು ಆವಶ್ಯಕತೆಗಳು, ಅಧಿಕ ಗುಣಮಟ್ಟ, ದೀರ್ಘ ಬಾಳಿಕೆಯ ಸೌಲಭ್ಯದೊಂದಿಗೆ ಸ್ಮಾರ್ಟ್‌ ಉತ್ಪನ್ನಗಳು ಮಾರುಕಟ್ಟೆಯಲ್ಲಿ ಮಿಂಚುತ್ತಿವೆ. ಸಾಂಪ್ರದಾಯಿಕ ಸ್ವಿಚ್‌, ಪ್ಲಗ್‌ಗೆ ಗುಡ್‌ ಪ್ಲಗ್‌
ಹಿಂದಿನ ಕಾಲದಿಂದಲೇ ಸಾಂಪ್ರದಾಯಿಕ ಸ್ವಿಚ್‌, ಪ್ಲಗ್‌ಗಳನ್ನು ಬಳಸಿಕೊಂಡು ಬರುತ್ತಿದ್ದೆವು. ಇದೀಗ ತಂತ್ರಜ್ಞಾನ ಕ್ಷೇತ್ರದ ವೇಗದಿಂದಾಗಿ ಈ ಸಾಂಪ್ರದಾಯಿಕ ಸ್ವಿಚ್‌, ಪ್ಲಗ್‌ಗಳಿಗೂ ಸ್ಮಾರ್ಟ್‌ ಲುಕ್‌ ಬಂದಿದೆ. ಡಿಜಿಟಲೀಕರಣದತ್ತ ವೇಗವಾಗಿ ಓಡುತ್ತಿರುವ ಇಂದಿನ ಯುಗವು ಸ್ವಿಚ್‌, ಪ್ಲಗ್‌ಗಳನ್ನೂ ಸ್ಮಾರ್ಟ್‌ ಆಗಿಸಿದೆ ಎಂದರೆ ನೀವು ನಂಬಲೇಬೇಕು. ಮನೆಯ ಅಗತ್ಯತೆಗಳನ್ನು ಪೂರೈಸಿಕೊಳ್ಳುವುದರೊಂದಿಗೆ ಮನೆಗೆ ಸ್ಮಾರ್ಟ್‌ ಲುಕ್‌ ಕೊಡಲು ಬಯಸುವ ಪ್ರತಿಯೊಬ್ಬರಿಗೂ ಸ್ಮಾರ್ಟ್‌ ಸರಕುಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದರಿಂದ ಮನೆಯ ಅಂದವೂ ಹೆಚ್ಚುತ್ತದೆ. ಕಡಿಮೆ ಬೆಲೆ ಬಾಳುವ ಮತ್ತು ಹೆಚ್ಚು ಬೆಲೆ ಬಾಳುವ ಎರಡೂ ಮಾದರಿಯಲ್ಲಿ ಸ್ಮಾರ್ಟ್‌ ಸರಕುಗಳು ಮಾರುಕಟ್ಟೆಯಲ್ಲಿದ್ದು, ನಿಮ್ಮ ಮನೆ ತುಂಬಲು ಸಿದ್ಧವಾಗಿ ನಿಂತಿವೆ.
Related Articles
ಸ್ಮಾರ್ಟ್‌ ಪ್ಲಗ್‌, ಸ್ಮಾರ್ಟ್‌ ಟಿವಿ, ಸ್ಮಾರ್ಟ್‌ ಸ್ವಿಚ್‌, ಸ್ಮಾರ್ಟ್‌ ಲೈಟ್ಸ್‌ ಜತೆಗೆ ಸ್ಮಾರ್ಟ್‌ ಡಿಸ್‌ಪ್ಲೇ ಮತ್ತು ಸ್ಪೀಕರ್‌ ಇದ್ದರೆ ಆಯಿತು. ಒಂದು ಮನೆಗೆ ಬೇಕಾದ ದಿನನಿತ್ಯದ ಅವಶ್ಯ ಸರಕುಗಳಿಷ್ಟು ಅಗತ್ಯವು ಕೂಡಾ. ಇವಿಷ್ಟಿದ್ದರೆ ಆ ಮನೆಯೇ ಸ್ಮಾರ್ಟ್‌ ಲುಕ್‌ ಪಡೆದುಕೊಳ್ಳುತ್ತದೆ. ಡಿಸ್‌ಪ್ಲೇ ಮತ್ತು ಸ್ಪೀಕರ್‌ ಡಿವೈಸ್‌ಗಳೂ ಮನೋರಂಜನೆಯ ಸಾಧನಗಳಾಗಿ ಸ್ಮಾರ್ಟ್‌ ಆಗಿವೆ. ಹಾಡುಗಳ ಪ್ಲೇಗಾಗಿ ಸ್ಪೀಕರ್‌ಗಳು ಗುಣಮಟ್ಟದಲ್ಲಿ ದೊರೆಯುತ್ತವೆ.
Advertisement
ಸ್ಮಾರ್ಟ್‌ ಲೈಟ್ಸ್‌ ಸಾಂಪ್ರದಾಯಿಕಬಲ್ಬ್ಗಳ ಬದಲಿಗೆ ಒಂದು ಕಾಲದಲ್ಲಿ ಎಲ್‌ಇಡಿ ಬಲ್ಬ್ಗಳು ಹವಾ ಎಬ್ಬಿಸಿದ್ದನ್ನು ನೋಡಿರಬಹುದು.
ವಿಶೇಷವೆಂದರೆ, ಬೀದಿದೀಪ ಗಳಾಗಿಯೂ ಈ ಎಲ್‌ಇಡಿ ಬಲ್ಬ್ಗಳೇ ಬಳಕೆಯಾಗುತ್ತಿವೆ. ಆದರೆ ಸ್ಮಾರ್ಟ್‌ ಯುಗಕ್ಕೆ ತೆರೆದು ಕೊಂಡಂತೆಲ್ಲ ಲೈಟ್‌ಗಳಲ್ಲಿಯೂ ಸ್ಮಾರ್ಟ್‌ನೆಸ್‌ ಬಂದಿದೆ ಎಂಬುದೂ ಅಷ್ಟೇ ಸತ್ಯ. ಎಲ್‌ಇಡಿ ಬಲ್ಬ್ ಬದಲಿಗೆ ಹೊಸ ಮಾದರಿಯ ಸ್ಮಾರ್ಟ್‌ಲೈಟ್‌ಗಳ ಬಳಕೆ ಹೆಚಚುತ್ತಿದೆ. ಎಲ್‌ಇಡಿ ಮಾದರಿಯಲ್ಲೇ ವಿದ್ಯುತ್‌ ಉಳಿಸುವ ಉಪಕರಣಗಳಾಗಿ ಈ ಸ್ಮಾರ್ಟ್‌ಲೈಟ್‌ಗಳು ಬಳಕೆಯಾಗುತ್ತಿವೆ. ಸ್ಮಾರ್ಟ್‌ ಪ್ಲಗ್‌ಗೆ ಬೇಡಿಕೆ
ಮನೆಯ ರೂಮಿನಲ್ಲಿ ವಿದ್ಯುತ್‌ ಉಪಯೋಗಕ್ಕೆ ಸ್ಮಾರ್ಟ್‌ ಪ್ಲಗ್‌ಗಳನ್ನು ಹೊರ ಭಾಗದಿಂದ ಬಳಸಬಹುದು. ಭಿನ್ನ ವಿದ್ಯುತ್‌ ಸಾಮರ್ಥ್ಯದಲ್ಲಿ ವಿವಿಧ ಆವಶ್ಯಕತೆಗಳಿಗೆ ಅನುಗುಣವಾಗಿ ಸ್ಮಾರ್ಟ್‌ಪ್ಲಗ್‌ಗಳು ಮಾರುಕಟ್ಟೆಯಲ್ಲಿವೆ. 1200 ರೂ.ಗಳಿಂದ ಆರಂಭವಾಗುವ ಸ್ಮಾರ್ಟ್‌ ಪ್ಲಗ್‌ಗಳ ಖರೀದಿಗೆ ಮಂಗಳೂರಿನ ಮಾರುಕಟ್ಟೆಯಲ್ಲಿಯೂ ಒಲವು ಹೆಚ್ಚುತ್ತಿದೆ. ರಿಮೋಟ್‌ ಕಂಟ್ರೋಲ್‌ ಫೀಚರ್‌ ಹೊಂದರುವ ಸ್ವಿಚ್‌ಗಳು ನಿಮ್ಮ ಅಪ್ಲಯನ್ಸಸ್‌ಗಳನ್ನು ಫೋನ್‌ ಮೂಲಕ ನಿಯಂತ್ರಿಸಬಹುದಾದ ಸಾಮರ್ಥ್ಯವನ್ನೂ ಹೊಂದಿದ್ದು, ಮಾರುಕಟ್ಟೆಯಲ್ಲಿ ಈಗೀಗ ಇದಕ್ಕೆ ಹೆಚ್ಚಿನ ಬೇಡಿಕೆ ವ್ಯಕ್ತವಾಗುತ್ತಿದೆ. ವಯರ್‌ಲೆಸ್‌ ಪ್ಲಗ್‌ಗಳಾಗಿದ್ದು, ಮೊಬೈಲ್‌ ಚಾರ್ಜ್‌ ಮಾಡುವುದಕ್ಕೆ ಇದೊಂದು ಉತ್ತಮ ಆಯ್ಕೆಯಾಗಿ ಪರಿಣಮಿಸುತ್ತಿದೆ. – ಧನ್ಯಾ ಬಾಳೆಕಜೆ