Family Planning; ಚಿಕ್ಕ ಕುಟುಂಬದಿಂದ ವಿಕಸಿತ ಭಾರತ ಗುರಿ ಸಾಧ್ಯ: ನಡ್ಡಾ

ಹೊಸದಿಲ್ಲಿ: ಭಾರತೀಯ ಕುಟುಂಬಗಳ ಆರೋಗ್ಯ ರಕ್ಷಣೆ ಕಾಪಾಡುವುದರಿಂದ ಮತ್ತು ಚಿಕ್ಕ ಕುಟುಂಬಗಳಿಂದ ಮಾತ್ರವೇ ವಿಕಸಿತ ಭಾರತ ಗುರಿಯನ್ನು ಸಾಧಿಸಲು ಸಾಧ್ಯವಾಗುತ್ತದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಜೆ.ಪಿ.ನಡ್ಡಾ ಹೇಳಿದ್ದಾರೆ.

ವಿಶ್ವ ಜನಸಂಖ್ಯಾ ದಿನದ ಹಿನ್ನೆಲೆಯಲ್ಲಿ ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶ ಗಳೊಂದಿಗೆ ವೀಡಿಯೋ ಕಾನ್ಫರೆನ್ಸ್‌ನಲ್ಲಿ ಮಾತನಾಡಿದ ನಡ್ಡಾ, ಕುಟುಂಬ ಯೋಜನೆ ಜಾರಿ ಕುರಿತು ಮಹಿಳೆ ತನ್ನ ಆಯ್ಕೆಯ ಅನುಸಾರ ನಿರ್ಧಾರ ಕೈಗೊ ಳ್ಳುವಂಥ ಪರಿಸರವನ್ನು ಸೃಷ್ಟಿಸುವ ಕೆಲಸ ವನ್ನು ಕೇಂದ್ರ ಮತ್ತು ರಾಜ್ಯ ಸರಕಾರಗಳು ರೂಪಿಸಬೇಕು ಎಂದಿದ್ದಾರೆ.

ನಾವು ಮುಂಬರುವ ಜವಾಬ್ದಾರಿ ಗಳನ್ನು ನಿಭಾಯಿಸಲು ಮತ್ತು ಕುಟುಂಬ ಯೋಜನೆ ಮತ್ತು ಸಂತಾನೋತ್ಪತ್ತಿ ಆರೋಗ್ಯವನ್ನು ಮೂಲಭೂತವೆಂದು ಗುರುತಿಸಲು ಕೇಂದ್ರ ಮತ್ತು ರಾಜ್ಯಗಳ ಸಹಯೋಗ ಮುಖ್ಯವಾಗಿದೆ. ಚಿಕ್ಕ ಕುಟುಂಬಗಳನ್ನು ಹೊಂದುವುದು ಮತ್ತು ಗರ್ಭನಿರೋಧಕ ಆಯ್ಕೆ ಕೈಗೊ ಳ್ಳಲು ಸಾಧ್ಯವಾದರೆ, ಆರೋಗ್ಯಕರ, ಸಂತೋಷದಾಯಕ ಕುಟುಂಬಗಳನ್ನು ಪೋಷಿಸಲು ಸಾಧ್ಯವಾಗಲಿದೆ ಎಂದರು. ಮಿಷನಲ್‌ ಪರಿವಾರ ವಿಕಾಸ್‌ ಮಹತ್ವದ ಬಗ್ಗೆಯೂ ಅವರು ಹೇಳಿದ್ದಾರೆ.