Udupi ನಿಂತಿದ್ದ ಶಾಲಾ ಬಸ್‌ಗೆ ಕಾರು ಢಿಕ್ಕಿ

ಉಡುಪಿ: ನಿಂತಿದ್ದ ಶಾಲಾ ಬಸ್‌ಗೆ ಕಾರು ಢಿಕ್ಕಿ ಹೊಡೆದು ಬಸ್‌ ಹಾಗೂ ಕಾರು ಜಖಂಗೊಂಡ ಘಟನೆ ನಡೆದಿದೆ.

ಬನ್ನಂಜೆಯ ರಸ್ತೆ ಬದಿ ನಿಂತಿದ್ದ ಕೇಂದ್ರೀಯ ವಿದ್ಯಾಲಯದ ಶಾಲಾ ಬಸ್‌ಗೆ ಬನ್ನಂಜೆಯಿಂದ ಮಣಿಪಾಲದ ಕಡೆಗೆ ಹೋಗುತ್ತಿದ್ದ ಕಾರು ಸ್ಕಿಡ್‌ ಆಗಿ ಢಿಕ್ಕಿ ಹೊಡೆದಿದೆ.

ಮುಂಜಾನೆ ಸುಮಾರು 3 ಗಂಟೆ ವೇಳೆಗೆ ಈ ಘಟನೆ ನಡೆದಿದೆ. ಈ ವೇಳೆ ಭಾರೀ ಮಳೆ ಬರುತ್ತಿದ್ದು, ಚಾಲಕನ ನಿಯಂತ್ರಣ ತಪ್ಪಿ ಢಿಕ್ಕಿ ಹೊಡೆದಿದೆ ಎನ್ನಲಾಗಿದೆ.