Kota: ವಿದ್ಯುತ್‌ ಕಂಬಕ್ಕೆ ಢಿಕ್ಕಿಯಾದ ಮೆಸ್ಕಾಂ ಸಿಬಂದಿಗಳಿದ್ದ ಕಾರು; ಅಪಾಯದಿಂದ ಪಾರು

ಕೋಟ: ಮೆಸ್ಕಾಂ ಸಿಬಂದಿಗಳು ಸಂಚರಿಸುತ್ತಿದ್ದ ವಾಹನ ವಿದ್ಯುತ್‌ ಕಂಬಕ್ಕೆ ಢಿಕ್ಕಿಯಾಗಿ ಕಾರು ಸಂಪೂರ್ಣ ಹಾನಿಗೊಳಗಾದ ಘಟನೆ ಬುಧವಾರ(ಆ.6) ಸಾಲಿಗ್ರಾಮ ಮಾರಿಗುಡಿ ಸಮೀಪ ಸಂಭವಿಸಿದೆ.

ಇಲಾಖೆ ಕೆಲಸದ ಮೇಲೆ ಆಗಮಿಸಿದ ಸಿಬಂದಿಗಳು ಬಾಡಿಗೆ ವಾಹನದಲ್ಲಿ ಕೋಟದಿಂದ ಮಂಗಳೂರು ಕಡೆಗೆ ಸಂಚರಿಸುತ್ತಿದ್ದಾಗ ಚಾಲಕನ ನಿಯಂತ್ರಣ ತಪ್ಪಿ ವಿದ್ಯುತ್‌ ಕಂಬಕ್ಕೆ ಢಿಕ್ಕಿಯಾಗಿದ್ದು, ಈ ಸಂದರ್ಭ ಕಂಬ ತುಂಡಾಗಿ ವೈಯರ್‌ ಕಾರಿನ ಮೇಲೆ ಬಿದ್ದಿದೆ.

ಘಟನೆಯಲ್ಲಿ ಕಾರು ಚಾಲಕ, ಇರ್ವರು ಸಿಬಂದಿಗಳಿಗೆ ಸಣ್ಣಪುಟ್ಟ ಗಾಯವಾಗಿದೆ. ಮೆಸ್ಕಾಂನವರು ಸ್ಥಳಕ್ಕಾಗಮಿಸಿ ಹಾನಿಯಾದ ವಿದ್ಯುತ್‌ ಕಂಬದ ದುರಸ್ತಿ ನಡೆಸಿದರು.