Yoga: ಭಾರತ ಮೂಲದ ಬಾಲಕ ಯೋಗ ಚಾಂಪಿಯನ್‌

ಲಂಡನ್‌: ಅಪ್ರತಿಮ ಯೋಗ ಸಾಧನೆಯಲ್ಲಿ ಈಗಾಗಲೇ ಸಾಕಷ್ಟು ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿ ರುವ ಭಾರತೀಯ ಮೂಲದ ಇಂಗ್ಲೆಂಡ್‌ ನಿವಾಸಿ, 13ರ ವಯಸ್ಸಿನ ಈಶ್ವರ್‌ ಶರ್ಮಾ, ಸ್ವೀಡನ್‌ನಲ್ಲಿ ನಡೆದ ಯುರೋಪಿಯನ್‌ ಯೋಗ ಸ್ಪರ್ಧೆಯಲ್ಲಿ ಮತ್ತೂಂದು ಚಿನ್ನದ ಪದಕವನ್ನು ಗೆದ್ದಿದ್ದಾರೆ.

ಆಗ್ನೇಯ ಇಂಗ್ಲೆಂಡ್‌ನ‌ ನಿವಾಸಿಯಾಗಿರುವ ಶರ್ಮಾ, 3ನೇ ವಯಸ್ಸಿನಿಂದಲೇ ಯೋಗಾಭ್ಯಾಸ ಮಾಡುತ್ತಿದ್ದು, ಅವರ ತಂದೆಯ ನಿತ್ಯಕ್ರಮದಲ್ಲಿ ಯೋಗವೂ ಭಾಗವಾಗಿದ್ದ ಹಿನ್ನೆಲೆಯಲ್ಲಿ ತನಗೂ ಯೋಗದ ಬಗ್ಗೆ ವಿಶೇಷ ಆಸಕ್ತಿ ಮೂಡಿದ್ದಾಗಿ ಹೇಳಿಕೊಂಡಿದ್ದಾರೆ. ಕೊರೊನಾ ಕಾಲಘಟ್ಟದಲ್ಲಿ ನಿತ್ಯವೂ ಯೋಗ ಕ್ಲಾಸ್‌ಗಳನ್ನು ನಡೆಸಿ 14 ರಾಷ್ಟ್ರಗಳ 40 ಮಕ್ಕಳಿಗೆ ಯೋಗ ಹೇಳಿ ಕೊಟ್ಟಿದ್ದರು. ಇದಕ್ಕಾಗಿ ಅಂದಿನ ಬ್ರಿಟನ್‌ ಪ್ರಧಾನಿ ಬೋರಿಸ್‌ ಜಾನ್ಸನ್‌ ಶರ್ಮಾ ಅವರಿಗೆ ಪಾಯಿಂಟ್ಸ್‌ ಆಫ್ ಲೈಟ್‌ ಪ್ರಶಸ್ತಿ ನೀಡಿ ಗೌರವಿಸಿದ್ದರು.