ಸರ್ಜಿಕಲ್‌ ಸ್ಟ್ರೈಕ್‌ ಬಗ್ಗೆ ಬರಲಿದೆ ಪುಸ್ತಕ

ಹೊಸದಿಲ್ಲಿ: ಕಳೆದ ಸರಕಾರದ ಅವಧಿಯಲ್ಲಿ ನಡೆಸಲಾಗಿದ್ದ ಬಾಲಾಕೋಟ್‌ ದಾಳಿ, ಉಗ್ರರ ವಿರುದ್ಧದ ಎನ್‌ಕೌಂಟರ್‌ಗಳು ಹಾಗೂ ಇನ್ನಿತರ ಸೈನಿಕರ ವೀರೋಚಿತ, ಸ್ಫೂರ್ತಿದಾಯಕ ಕಾರ್ಯಾಚರಣೆಗಳನ್ನು ಆಧರಿಸಿದ ಪುಸ್ತಕವೊಂದು ಸದ್ಯದಲ್ಲೇ ಬಿಡುಗಡೆ ಮಾಡುವುದಾಗಿ ಖ್ಯಾತ ಮುದ್ರಣ ಸಂಸ್ಥೆಯಾದ ಪೆಂಗ್ವಿನ್‌ ರ್‍ಯಾಂಡಮ್‌ ಹೌಸ್‌ ಇಂಡಿಯಾ ತಿಳಿಸಿದೆ.

“ಇಂಡಿಯಾಸ್‌ ಮೋಸ್ಟ್‌ ಫಿಯರ್‌ಲೆಸ್‌’ ಸರಣಿಯ ಭಾಗ 1 ಮತ್ತು 2ನೇ ಅವತರಣಿಕೆಯ ಮುಂದಿನ ಭಾಗದ ರೂಪದಲ್ಲಿ ಹೊಸ ಪುಸ್ತಕ ಓದುಗರಿಗೆ ಮುಂದಿನ ತಿಂಗಳು ಲಭ್ಯವಾಗಲಿದೆ ಎಂದು ಸಂಸ್ಥೆ ತಿಳಿಸಿದೆ. ರಾಹುಲ್‌ ಸಿಂಗ್‌ ಹಾಗೂ ಶಿವ ಅರೂರ್‌ ಎಂಬ ಇಬ್ಬರು ಪತ್ರಕರ್ತರು ಈ ಪುಸ್ತಕ ರಚಿಸಲಿದ್ದಾರೆ. ಒಟ್ಟು 14 ಅಧ್ಯಾಯಗಳು ಇರಲಿರುವ ಇದರಲ್ಲಿ ಬಾಲಾಕೋಟ್‌ ಹಾಗೂ ಉಗ್ರರ ವಿರುದ್ಧದ ಕಾರ್ಯಾಚರಣೆಗಳಿಗೆ ಸಂಬಂಧಿಸಿದಂತೆ ಈವರೆಗೆ ಎಲ್ಲೂ ಹೊರಗೆ ಬಾರದ ಸತ್ಯಗಳನ್ನು ಹೇಳಲಿದ್ದೇವೆ ಎಂದು ಲೇಖಕರು ತಿಳಿಸಿದ್ದಾರೆ.